நோய் எதிர்ப்பு சக்தியை அதிகரிக்கும் கோல்டன் மில்க் || Turmeric Golden Milk

உடலில் ஏதேனும் தொற்று பாதிப்பு ஏற்பட்டாலும் இந்த மஞ்சள் பாலை குடித்து வந்தால் தொற்றை எதிர்த்து போராடும் ஆற்றலை அதிகரிக்கிறது. இன்று இந்த பாலை தயாரிப்பது எப்படி என்று பார்க்கலாம்.

கோல்டன் மில்க்

தேவையான பொருட்கள்:

பால் - 120 மில்லி
மஞ்சள் தூள் - 1 டேபிள் ஸ்பூன்
இஞ்சி - சிறிதளவு
மிளகு தூள் – 1 சிட்டிகை
பட்டைப்பொடி - 1 சிட்டிகை
தேன் - 1 டீஸ்பூன்

செய்முறை:

பாத்திரத்தை அடுப்பில் வைத்து அதில் பாலை ஊற்றி கொதிக்க விட வேண்டும்.

இஞ்சியை தோல் நீக்கி கொரகொரப்பாக தட்டிக்கொள்ளவும்.

அதன் பிறகு இஞ்சி, மஞ்சள் தூள், பட்டைப்பொடி, மிளகு ஆகிய நான்கையும் சேர்க்க வேண்டும்.

அதன் பிறகு மஞ்சள் வாசனை போகிற அளவிற்கு நன்கு கொதிக்கவைத்து இறக்கி விட வேண்டும்.

பிறகு அதை வடிகட்டி தேன் சேர்த்து கலந்து பருக வேண்டும்.

செய்வதற்கு எளிமையாக இருந்தாலும் அபார பலன்களை கொண்டதுதான் கோல்டன் மில்க் என்று அழைக்கப்படும் மஞ்சள் பால்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.