search icon
என் மலர்tooltip icon

    லைஃப்ஸ்டைல்

    புரோட்டீன் நிறைந்த அடை
    X

    புரோட்டீன் நிறைந்த அடை

    புரோட்டீன் நிறைந்த உணவுகளை சாப்பிடுவது உடலுக்கு மிகவும் நல்லது. இன்று புரோட்டீன் நிறைந்த பருப்பு வகைகளை வைத்து அடை செய்வது எப்படி என்று பார்க்கலாம்.
    தேவையான பொருட்கள் :

    இட்லி அரிசி - 100 கிராம்,
    முளைகட்டிய பாசிப்பயிறு - 50 கிராம்,
    கொண்டைக்கடலை - 50 கிராம்,
    கொள்ளு - 50 கிராம்,
    கோதுமை - 50 கிராம்
    உளுந்து - 50 கிராம்,
    காய்ந்த மிளகாய் - 4,
    மிளகு - ஒரு டீஸ்பூன்,
    தோல் சீவிய இஞ்சி - சிறிய துண்டு,
    உப்பு எண்ணெய் - தேவையான அளவு.



    செய்முறை:

    இட்லி அரிசியை நன்றாக கழுவி மூன்று மணி நேரம் ஊறவைத்துக் கொள்ளவும்.

    முளைகட்டிய பயறு மற்றும் மற்ற பயறு வகைகளை நன்றாக கழுவி 2 மணிநேரம் ஊறவைத்து கொள்ளவும்.

    அரிசி, பயறு வகைகளை காய்ந்த மிளகாய், மிளகு, இஞ்சி சேர்த்து அடைமாவுப் பதத்தில் கரகரப்பாக அரைத்து கொள்ளவும்.

    அரைத்த மாவில் தேவையான அளவு உப்பு சேர்த்துக் கலக்கவும்.

    அடுப்பில் தோசைக் கல்லை வைத்து சூடானதும் மாவு அடைகளாக ஊற்றி சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.

    சுவையான சத்தான புரோட்டீன் அடை ரெடி.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×