சங்கிலி கருப்பராய சுவாமி கோவிலில் ஆடிப்பெருக்கு சிறப்பு பூஜை

கோவை லாலி ரோட்டில் பிரசித்தி பெற்ற சங்கிலி கருப்பராய சுவாமி கோவில் உள்ளது. இந்த கோவிலில் ஆடிப்பெருக்கையொட்டி ஆண்டு தோறும் சிறப்பு பூஜை நடைபெறுவது வழக்கம். இந்த நிலையில்ஆடிப்பெருக்கையொட்டி அதிகாலையில் நடை திறக்கப்பட்டு சங்கிலி கருப்பராயசுவாமிக்கு சிறப்பு அபிஷேகம் நடைபெற்றது.

இதைத்தொடர்ந்து மலர் அலங்காரத்தில் சந்தன கவசத்தில் சங்கிலி கருப்பராயசுவாமி பக்தர்களுக்கு காட்சியளித்தார். பின்னர் மகா தீபாராதனை நடைபெற்றது.இதேபோல ஏழு கன்னிமார் அம்மன்களுக்கும் சிறப்பு பூஜை நடந்தது. இந்த நிகழ்ச்சியில் சமூக இடைவெளியுடன் பக்தர்கள் கலந்து கொண்டு சுவாமி தரிசனம் செய்தனர்.