என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆன்மிகம்
X
சபரிமலையில் தரிசனத்துக்கு ஆன்லைன் முன்பதிவு தொடங்கியது
Byமாலை மலர்7 Jan 2021 2:48 AM GMT (Updated: 7 Jan 2021 2:48 AM GMT)
சபரிமலையில் மகரவிளக்கு பூஜையையொட்டி அய்யப்பனை தரிசிக்க ஆன்லைன் முன்பதிவு தொடங்கியது என்று மந்திரி கடகம் பள்ளி சுரேந்திரன் கூறினார்.
சபரிமலை :
மகரவிளக்கு பூஜைக்காக சபரிமலை ஐயப்பன் கோவில் நடை கடந்த 30-ந் தேதி திறக்கப்பட்டது. 31-ந் தேதி முதல், வழக்கமான பூஜைகள், வழிபாடுகளுடன், படி பூஜை நடைபெற்று வருகிறது.
கொரோனா கட்டுப்பாடுகள் காரணமாக சபரிமலை தரிசனத்திற்கு தினசரி 5 ஆயிரம் பக்தர்கள் மட்டுமே அனுமதிக்கப்பட்டு வருகிறார்கள். அதிலும் குறிப்பாக ஆன்லைன் மூலம் முன்பதிவு செய்தவர்களுக்கு மட்டுமே தரிசன அனுமதி வழங்கப்பட்டு வருகிறது. ஏற்கனவே கடந்த 31-ந் தேதி முதல் 7-ந் தேதி வரை முன்பதிவு செய்தவர்களுக்கான தரிசன அனுமதி. இன்று (வியாழக்கிழமை) முடிவடைகிறது.
இந்த நிலையில் 8-ந்தேதி (நாளை) முதல் 18-ந் தேதி வரை சாமி தரிசனத்திற்கான ஆன்லைன் முன்பதிவு நேற்று தொடங்கியது. இது தொடர்பாக கேரள தேவஸ்தான துறை மந்திரி கடகம் பள்ளி சுரேந்திரன் கூறியதாவது:-
சபரிமலையில் மகரவிளக்கு பூஜையையொட்டி, அய்யப்பனை தரிசிக்க ஆன்லைன் முன்பதிவு நேற்று தொடங்கியது. 18-ந் தேதி வரையிலான தரிசனத்திற்கு பக்தர்கள் முன்பதிவு செய்யலாம். தினசரி 5 ஆயிரம் பக்தர்கள் மட்டுமே தரிசனத்திற்கு அனுமதிக்கப்படுவார்கள்.
இவ்வாறு அவர் கூறினார்.
இதற்கிடையே தமிழக அமைச்சர் எஸ்.பி. வேலுமணி சபரிமலை அய்யப்பன் கோவிலில் சாமி தரிசனம் செய்தார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X