தூத்துக்குடி தாளமுத்துநகா் தூய மடு ஜெபமாலை அன்னை ஆலயத் திருவிழா ஆண்டு தோறும் சிறப்பாக கொண்டாடப்பட்டு வருகிறது. இந்த ஆண்டுக்கான விழா கடந்த மாதம் 27-ந் தேதி கொடியேற்றத்துடன் தொடங்கியது. கொடியேற்ற நிகழ்ச்சிக்கு தூத்துக்குடி மறைமாவட்ட குரு ரோலிங்டன், வடக்கலூர் பங்குதந்தை ஜேம்ஸ் அமிர்தராஜ், தாளமுத்துநகர் துணை பங்குதந்தை பிபின் ஆகியோர் கலந்து கொண்டு திருப்பலி நடத்தினர். விழா நாட்களில் தினமும் மாலையில் ஜெபமாலை மறையுரை நற்கருனை ஆசி் நடந்தது.
விழாவின் சிகர நிகழ்ச்சியாக 10-ம் திருவிழா அன்று மாலை ஆராதனை நடந்தது. விழாவின் சிகர நிகழ்ச்சியாக நேற்று காலையில் தூத்துக்குடி மறைமாவட்ட முதன்மை குரு பன்னீர்செல்வம் தலைமையில் பெருவிழா கூட்டு திருப்பலி மற்றும் முதல் திருவிருந்து திருப்பலி நடந்தது. மறைமாவட்ட பொருளாளா் சகாயம் மறையுரையாற்றினார். நிகழ்ச்சியில் முதல் திருவிருந்து பெறும் சிறுவர், சிறுமிகள் திரளாக கலந்து கொண்டனர். திருவிழாவுக்கான ஏற்பாடுகளை பங்கு தந்தை நெல்சன், துணைபங்கு தந்தை பிபின் மற்றும் திரு இருதய சகோதரிகள், ஊா் நிர்வாகிகள், அன்பியங்கள் மற்றும் பங்கு மக்கள் செய்து இருந்தனர்.
