சிலம்பரசன் தனது உடல் எடையை அதிரடியாகக் குறைத்து, தன்னுடைய வழக்கமான நடைமுறைகளையும் மாற்றிவிட்டார். சுசீந்திரனின் ஈஸ்வரன் படத்தை முடித்துவிட்டு வெங்கட் பிரபுவின் மாநாடு படத்தின் இறுதிகட்ட படப்பிடிப்பில் இருக்கிறார் சிலம்பரசன்.
இதனை தொடர்ந்து ஞானவேல்ராஜா தயாரிப்பில் மூன்று வருடங்களுக்கு முன்பாக நடிக்க ஒப்பந்தமான மப்டி படத்தில் கவனம் செலுத்த இருக்கிறார் சிம்பு. கன்னட ரீமேக் படமாக இப்படத்தில் சிம்புடன் கௌதம் கார்த்திக் நடிக்கிறார். மூன்று வருடமாக அந்த படத்தின் படப்பிடிப்புகள் நடைபெறாமல் இருந்தது. இந்நிலையில் தற்போது மப்டி படத்தின் வேலைகள் அதிரடியாக துவங்கியுள்ளது.
இந்நிலையில், மப்டி படத்தின் டிசம்பர் 24ஆம் தேதி மப்டி ரீமேக் படத்தின் தமிழ் டைட்டில் மற்றும் இயக்குனர் அறிவிப்பு அதிகாரப்பூர்வமாக அறிவிக்கப் போவதாக படக்குழுவினர் அறிவித்தனர். தற்போது இந்த டைட்டில் லுக் போஸ்டரை தமிழ் சினிமாவில் இருக்கும் 10 இயக்குனர் வெளியிட இருப்பதாக அறிவித்திருக்கிறார்கள்.
