search icon
என் மலர்tooltip icon

    சினிமா

    கங்கனா ரணாவத் - அமலாபால்
    X
    கங்கனா ரணாவத் - அமலாபால்

    ஆடை இந்தி ரீமேக்கில் கங்கனாவா? பட நிறுவனம் விளக்கம்

    அமலாபால் நடிப்பில் வெளியாகி சூப்பர் ஹிட்டான ‘ஆடை’ படத்தின் இந்தி ரீமேக்கில் பிரபல பாலிவுட் நடிகை கங்கனா ரணாவத் நடிக்க வில்லை என்று பட நிறுவனம் விளக்கம் அளித்துள்ளது.
    ‘மேயாத மான்’ படத்தின் மூலம் இயக்குநராக அறிமுகமானவர் ரத்னகுமார். இப்படத்தின் வெற்றியை தொடர்ந்து இரண்டாவதாக ‘ஆடை’ படத்தை இயக்கினார். ஹீரோயினை மையப்படுத்திய இந்தப் படத்தில், முதன்மைக் கதாபாத்திரத்தில் அமலா பால் நடித்தார். கடந்த ஜூலை 19-ம் தேதி இந்தப் படம் வெளியானது.

    பல சர்ச்சைகளுடன் வெளியான இப்படம் ரசிகர்கள் மத்தியில் நல்ல வரவேற்பு பெற்று வெற்றிகரமாக ஓடியது. இந்நிலையில், இந்தப் படத்தை இந்தியில் ரீமேக் செய்ய இருப்பதாகவும், அமலா பால் கதாபாத்திரத்தில் நடிகை கங்கனா ரணாவத்திடம் பேச்சுவார்த்தை நடைபெற்று வருவதாகவும் செய்திகள் வெளியானது.

    கங்கனா ரணாவத் - அமலாபால்

    ஆனால், ஆடை படத்தின் உரிமையை வைத்திருக்கும் அருண்பாண்டியன் குரூப் இதை மறுத்திருக்கிறது. ‘ஆடை’ இந்தி மொழி மாற்றத்தில் நடிக்க இதுவரை கங்கனா ரணாவத்துடன் எந்த பேச்சுவார்த்தையும் நடக்கவில்லை என்று கூறியிருக்கிறார்கள். மேலும் விரைவில் இப்படத்தில் நடிப்பவர்கள் பட்டியலை அறிவிப்போம் என்றும் கூறியிருக்கிறார்கள்.
    Next Story
    ×