என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
இது புதுசு
டாடா நெக்சான், நெக்சான் EV டார்க் எடிஷன் அறிமுகம்
- டார்க் எடிஷன் மாடல்களில் முழுமையான கருப்பு நிறம் பூசப்பட்டுள்ளது.
- நெக்சான் EV டார்க் எடிஷன் லாங் ரேன்ஜ் வேரியண்டில் மட்டுமே கிடைக்கிறது.
டாடா மோட்டார்ஸ் நிறுவனம் தனது நெக்சான் டார்க் எடிஷன் மாடல்களை இந்திய சந்தையில் அறிமுகம் செய்தது. டார்க் எடிஷன் மாடல்கள் ஃபேஸ்லிஃப்ட்-க்கு முந்தைய வெர்ஷன்களிலும் கிடைத்தது. புதிய ஸ்பெஷல் எடிஷன் வேரியண்ட்களில் ஏராளமான காஸ்மடிக் மாற்றங்கள் மேற்கொள்ளப்பட்டுள்ளன.
புதிய டாடா நெக்சான் டார்க் எடிஷன் விலை ரூ. 11 லட்சத்து 45 ஆயிரம் என துவங்குகிறது. டாடா நெக்சான் EV டார்க் எடிஷன் விலை ரூ. 19 லட்சத்து 49 ஆயிரம் என நிரணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
தோற்றத்தில் நெக்சான் மற்றும் நெக்சான் EV டார்க் எடிஷன் மாடல்களில் முழுமையான கருப்பு நிறம் பூசப்பட்டு, பிளாக் அலாய் வீல்கள், ரூஃப் ரெயில்கள், டாடா லோகோ வழங்கப்பட்டு இருக்கிறது. இன்டீரியரிலும் பிளாக் தீம் செய்யப்பட்டுள்ளது. பிளாக் நிற லெதர் இருக்கைகள், டேஷ்போர்டு மற்றும் சென்டர் கன்சோல் என அனைத்தும் கருப்பு நிறத்தில் காட்சியளிக்கிறது.
தோற்றத்தில் மட்டும் மாற்றங்கள் மேற்கொள்ளப்பட்டு இருக்கும் நிலையில், பவர்டிரெயின் ஆப்ஷன்களில் எந்த மாற்றமும் மேற்கொள்ளப்படவில்லை. அந்த வகையில், புதிய டார்க் எடிஷனிலும் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின்கள் வழங்கப்படுகின்றன. இவை முறையே 87 ஹெச்.பி. பவர், 170 நியூட்டன் மீட்டர் டார்க் மற்றும் 84.5 ஹெச்.பி. பவர், 260 நியூட்டன் மீட்டர் டார்க் இழுவிசையை வெளிப்படுத்துகின்றன.
இதன் பெட்ரோல் என்ஜினுடன் 6 ஸ்பீடு மேனுவல், AMT, DCT கியர்பாக்ஸ், டீசல் என்ஜினுடன் 6 ஸ்பீடு மேனுவல் அல்லது AMT கியர்பாக்ஸ் ஆப்ஷன்கள் வழங்கப்படுகின்றன. டாடா நெக்சான் EV டார்க் எடிஷன் லாங் ரேன்ஜ் வேரியண்டில் மட்டுமே கிடைக்கிறது. இதில் எலெக்ட்ரிக் மோட்டார் 143 ஹெச்.பி. பவர், 215 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் முழு சார்ஜ் செய்தால் 465 கிலோமீட்டர் ரேன்ஜ் வழங்குகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்