search icon
என் மலர்tooltip icon

    ஆட்டோமொபைல்

    பிஎம்டபிள்யூ 220ஐ ஸ்போர்ட்
    X
    பிஎம்டபிள்யூ 220ஐ ஸ்போர்ட்

    ரூ. 37 லட்சம் விலையில் புது பிஎம்டபிள்யூ 220ஐ ஸ்போர்ட் இந்தியாவில் அறிமுகம்

    பிஎம்டபிள்யூ நிறுவனத்தின் புதிய 220ஐ ஸ்போர்ட் வேரியண்ட் இந்திய சந்தையில் அறிமுகம் செய்யப்பட்டு இருக்கிறது.


    பிஎம்டபிள்யூ நிறுவனம் இந்திய சந்தையில் 220ஐ ஸ்போர்ட் வேரியண்டை அறிமுகம் செய்தது. இந்தியாவில் புது பிஎம்டபிள்யூ கார் விலை ரூ. 37.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது சென்னையில் இயங்கி வரும் பிஎம்டபிள்யூ ஆலையில் உற்பத்தி செய்யப்படுகிறது.

    புதிய பிஎம்டபிள்யூ 220ஐ ஸ்போர்ட் மாடலில் 2.0 லிட்டர், 4 சிலிண்டர் டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 190 பிஹெச்பி பவர், 280 என்எம் டார்க் செயல்திறன் வழங்குகிறது. இத்துடன் 7 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

     பிஎம்டபிள்யூ 220ஐ ஸ்போர்ட்

    இந்த கார் மணிக்கு 100 கிலோமீட்டர் வேகத்தை 7.1 நொடிகளில் எட்டிவிடும். 2021 பிஎம்டபிள்யூ 220ஐ ஸ்போர்ட் மாடலில் எல்இடி ஹெட்லேம்ப்கள், பாரம்பரிய பிஎம்டபிள்யூ கிட்னி கிரில், எல்இடி டெயில் லைட்கள் உள்ளன. இத்துடன் ஆல்பைன் வைட், பிளாட் சபைட், மெல்போன் ரெட் மற்றும் ஸ்டாம் பே என நான்கு வித நிறங்களில் கிடைக்கிறது.

    காரின் உள்புறம் 8.8 இன்ச் தொடுதிரை வசதி கொண்ட இன்போடெயின்மென்ட் சிஸ்டம், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, 5.1 இன்ச் டிஜிட்டல் இன்ஸ்ட்ரூமென்ட் கிளஸ்டர், ஸ்போர்ட் சீட்கள், ஆம்பியன்ட் லைட்டிங், பானரோமிக் சன்ரூப் உள்ளது.

    இத்துடன் லெதர்-ராப் செய்யப்பட்ட மல்டி-பன்ஷன் ஸ்டீரிங் வீல், குரூயிஸ் கண்ட்ரோல், மூன்று டிரைவ் மோட்கள், பார்க்கிங் அசிஸ்ட் மற்றும் ரிவர்ஸ் அசிஸ்ட் உள்ளிட்ட அம்சங்கள் வழங்கப்பட்டு இருக்கிறது. 
    Next Story
    ×