மஹிந்திரா இகேயுவி100 இந்திய வெளியீட்டு விவரம்

மஹிந்திரா நிறுவனம் தனது இகேயுவி100 மாடலை இந்திய சந்தையில் 2021 ஜனவரி மாத வாக்கில் அறிமுகம் செய்யப்பட இருக்கிறது. இதனை மஹிந்திரா அண்ட் மஹிந்திரா லிமிட்டெட் நிர்வாக இயக்குனர் பவன் கோயன்கா தெரிவித்தார். 

முன்னதாக 2020 ஆட்டோ எக்ஸ்போ விழாவில் இகேயுவி100 மாடலின் விலை விவரங்களை மஹிந்திரா அறிவித்தது. எனினும், தற்போதைய கொரோனா ஊரடங்கு காரணமாக இகேயுவி100 வெளியீட்டு திட்டங்களில் தவிர்க்க முடியாத மாற்றம் ஏற்பட்டு இருக்கிறது. 

எனினும், தற்சமயம் வெளியீட்டு திட்டங்களை மீண்டும் செயல்படுத்த துவங்கி உள்ளதாக மஹிந்திரா தெரிவித்து இருக்கிறது. அடுத்த சில மாதங்களில் ஒன்றுக்கும் மேற்பட்ட எலெக்ட்ரிக் வாகனங்களை இந்திய சந்தையில் மஹிந்திரா அறிமுகம் செய்ய இருக்கிறது. 

மஹிந்திரா இகேயுவி100 மாடலில் 40 கிலோவாட் எலெக்ட்ரிக் மோட்டார் மற்றும் 15.9 கிலோவாட் லித்தியம் அயன் பேட்டரி பேக் வழங்கப்பட்டு இருக்கிறது. இந்த எலெக்ட்ரிக் பவர்டிரெயின் 53 பிஹெச்பி பவர், 120 என்எம் டார்க் செயல்திறன் வழங்குகிறது.