என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
பிஎம்டபிள்யூ 2 சீரிஸ் கிரான் கூப் இந்திய வெளியீட்டு விவரம்
Byமாலை மலர்6 May 2020 10:31 AM GMT (Updated: 6 May 2020 10:31 AM GMT)
பிஎம்டபிள்யூ நிறுவனத்தின் 2 சீரிஸ் கிரான் கூப் மாடல் இந்திய வெளியீட்டு விவரங்களை தொடர்ந்து பார்ப்போம்.
பிஎம்டபிள்யூ நிறுவனம் தனது 2 சீரிஸ் கிரான் கூப் மாடலை இந்த ஆண்டு இந்திய சந்தையில் அறிமுகம் செய்ய இருப்பதாக தகவல் வெளியாகியுள்ளது. இது 3 சீரிஸ் மாடலின் கீழ் நிலைநிறுத்தப்படும் என்றும் இது பிஎம்டபிள்யூ நிறுவனத்தின் என்ட்ரி லெவல் செடான் மாடலாக இருக்கும் என கூறப்படுகிறது.
புதிய 2 சீரிஸ் கிரான் கூப் மாடல் இந்தியாவின் தேர்வு செய்யப்பட்ட விற்பனையகங்களில் கிடைக்கும் என கூறப்படுகிறது. மேலும் இந்த காருக்கான முன்பதிவுகள் ஏற்கனவே துவங்கிவிட்டதாகவும் தகவல் வெளியாகியுள்ளது. இந்தியாவில் வெளியானதும், பிஎம்டபிள்யூ 2 சீரிஸ் கிரான் கூப் மாடலின் துவக்க விலை ரூ. 33 லட்சம், எக்ஸ் ஷோரூம் என நிர்ணயம் செய்யப்படலாம்.
பிஎம்டபிள்யூ 2 சீரிஸ் கிரான் கூப் மாடல் அந்நிறுவனத்தின் சர்வதேச மாடல்கள் பிரிவில் புதுவரவாகும். சர்வதேச சந்தையில் இந்த கார் 2019 நவம்பர் மாத வாக்கில் அறிமுகம் செய்யப்பட்டது. இது பிஎம்டபிள்யூ நிறுவனத்தின் மாட்யூலர் FAAR பிளாட்ஃபார்மில் உருவாக்கப்பட்டுள்ளது.
இது பிஎம்டபிள்யூ குழுமத்தின் அங்கமான மினி பிராண்டில் இருந்து உருவானதாகும். இந்த பிளாட்ஃபார்ம் வாகனத்தில் அதிக இடவசதியை வழங்குவதோடு, உற்பத்தி செலவையும் வெகுவாக குறைக்கும் என பிஎம்டபிள்யூ நிறுவனம் தெரிவித்துள்ளது.
பிஎம்டபிள்யூ 2 சீரிஸ் கிரான் கூப் மாடல் - 220ஐ மற்றும் 220டி என இரண்டு வேரியண்ட்களில் கிடைக்கும் என தெரிகிறது. இவற்றில் முறையே 2.0 லிட்டர் பெட்ரோல் என்ஜின் மற்றும் 2.0 லிட்டர் டீசல் என்ஜின் வழங்கப்படுகிறது. இவை முறையே 192 பிஹெச்பி மற்றும் 190 பிஹெச்பி பவர் வழங்குகின்றன. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X