பி.எம்.டபுள்யூ. நிறுவனம இந்திய சந்தையில் புதிய என்ட்ரி லெவல் எக்ஸ்7 எஸ்.யு.வி. காரினை அறிமுகம் செய்துள்ளது. புதிய என்ட்ரி லெவல் பி.எம்.டபுள்யூ. எக்ஸ்7 எக்ஸ்டிரைவ் 3-டி டி.பி.இ. மாடல் விலை ரூ. 92.50 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய பேஸ் வேரியண்ட் மாடல் பி.எம்.டபுள்யூ. எக்ஸ்7 காரின் விலையை இந்திய சந்தையில் ரூ. 6 லட்சம் வரை குறைத்து இருக்கிறது. எனினும், புதிய என்ட்ரி லெவல் மாடல் அறிமுகம் செய்யப்பட்டு இருப்பதால், மிட் ரேன்ஜ் மற்றும் டாப் எண்ட் மாடல் விலையை பி.எம்.டபுள்யூ. அதிகரித்து இருக்கிறது.
புதிய பி.எம்.டபுள்யூ. எக்ஸ் 7 - எக்ஸ்டிரைவ் 30டி டி.பி.இ., எக்ஸ்டிரைவ் 30டி டி.பி.இ. சிக்னேச்சர் மற்றும் எக்ஸ்டிரைவ் 40ஐ என மூன்று வேரியண்ட்களில் கிடைக்கிறது. இதன் மிட் ரேன்ஜ் மற்றும் டாப் எண்ட் மாடல்களின் விலை முறையே ரூ. 1.02 கோடி மற்றும் ரூ. 1.06 கோடி என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் நிர்ணயம் செய்யப்பட்டுள்ளன.
என்ட்ரி லெவல் பி.எம்.டபுள்யூ. எக்ஸ்7 எக்ஸ்டிரைவ் 30டி டி.பி.இ. மாடலில் 3.0 லிட்டர் ஆறு சிலிண்டர்கள் கொண்ட டர்போ டீசல் என்ஜின் வழங்கப்பட்டுள்ளது. இந்த என்ஜின் 254 பி.ஹெச்.பி. பவர், 620 என்.எம். டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டுள்ளது.
