search icon
என் மலர்tooltip icon

    கார்

    2022 மாருதி சுசுகி பிரெஸ்ஸா இந்திய வெளியீட்டு தேதி அறிவிப்பு!
    X

    2022 மாருதி சுசுகி பிரெஸ்ஸா இந்திய வெளியீட்டு தேதி அறிவிப்பு!

    • மாருதி சுசுகி நிறுவனம் விரைவில் புதிய பிரெஸ்ஸா மாடலை அறிமுகம் செய்ய இருக்கிறது.
    • இந்த மாடலில் மாடலில் 1.5 லிட்டர், நான்கு சிலிண்டர்கள் கொண்ட பெட்ரோல் என்ஜின் வழங்கப்பட இருக்கிறது.

    இந்திய சந்தையில் அதிகம் எதிர்பார்க்கப்பட்டு வரும் புதிய தலைமுறை மாருதி சுசுகி பிரெஸ்ஸா மாடல் இந்திய சந்தையில் ஜூன் 30 ஆம் தேதி அறிமுகம் செய்யப்பட உள்ளது. புது மாடலின் பெயரில் மாற்றம் செய்யவும் மாருதி சுசுகி முடிவு செய்து உள்ளது. அதன் படி புதிய மாடல் மாருதி சுசுகி பிரெஸ்ஸா என்றே அழைக்கப்பட இருக்கிறது. இந்த மாடலில் விட்டாரா என்ற பெயர் நீக்கப்படுகிறது.

    சமீபத்தில் புதிய பிரெஸ்ஸா மாடலின் ஸ்பை படங்கள் இணையத்தில் வெளியாகி இருந்தது. அதில் இந்த மாடல் எப்படி காட்சியளிக்கும் என்ற விவரங்கள் வெளியானது. அந்த வகையில், புதிய பிரெஸ்ஸா மாடலின் முன்புறம் முற்றிலும் புதிய கிரில், மெல்லிய ஹெட்லேம்ப் மற்றும் L வடிவ டேடைம் ரன்னிங் லைட்கள், பிளாஸ்டிக் பாடி கிளாடிங் மற்றும் டைமண்ட் கட் அலாய் வீல்கள் வழங்கப்படுகின்றன.


    உள்புறம் மிதக்கும் வகையிலான தொடுதிரை வசதி கொண்ட இன்போடெயின்மெண்ட் சிஸ்டம், ஃபிளாட் பாட்டம் ஸ்டீரிங் வீல், பேடில் ஷிப்டர்கள், ரி-டிசைன் செய்யப்பட்ட இன்ஸ்ட்ரூமெண்ட் கிளஸ்டர், மல்டி-இன்ஃபோ டிஸ்ப்ளே வழங்கப்பட இருக்கிறது. இத்துடன் வயர்லெஸ் சார்ஜர், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவிட்டி, எலெக்டிரானிக் ஸ்டேபிலிட்டி கண்ட்ரோல், ஆறு ஏர்பேக், 360 டிகிரி கேமரா, சுசுகி கனெக்ட் கனெக்டெட் கார் தொழில்நுட்பம், எலெக்ட்ரிக் சன்ரூஃப் போன்ற அம்சங்கள் உள்ளன.

    இந்திய சந்தையில் தற்போதைய மாருதி சுசுகி விட்டாரா பிரெஸ்ஸா மாடலின் விலை ரூ. 7 லட்சத்து 84 ஆயிரத்தில் துவங்குகிறது. அந்த வகையில் ஏராளமான அப்டேட்களுடன் அறிமுகம் செய்யப்பட இருக்கும் புதிய 2022 மாருதி சுசுகி பிரெஸ்ஸா மாடல் விலை ரூ. 8 லட்சத்தில் இருந்து துவங்கும் என தெரிகிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

    Next Story
    ×