என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
கார்
X
2022 ஆடி A8 L இந்திய முன்பதிவு துவக்கம் - வெளியீட்டு விவரம்!
Byமாலை மலர்5 May 2022 11:05 AM GMT (Updated: 5 May 2022 11:05 AM GMT)
ஆடி நிறுவனம் தனது 2022 A8 L மாடலின் இந்திய முன்பதிவை துவங்கி இருக்கிறது. இது பற்றி தொடர்ந்து பார்ப்போம்.
ஆடி இந்தியா நிறுவனம் தனது ஃபிளாக்ஷிப் செடான் மாடலான 2022 ஆடி A8 L காரை விரைவில் இந்தியாவில் அறிமுகம் செய்ய இருக்கிறது. இந்த நிலையில், புதிய காருக்கான முன்பதிவுகளை ஆடி நிறுவனம் துவங்கி இருக்கிறது. புதிய 2022 ஆடி A8 L மாடலுக்கான முன்பதிவு கட்டணம் ரூ. 10 லட்சம் ஆகும்.
2022 ஆடி A8 L மாடல் 2020 ஆண்டு அறிமுகம் செய்யப்பட்ட புதிய தலைமுறை மாடலின் மிட்-சைக்கிள் அப்டேட் ஆகும். 2020 ஆண்டு அறிமுகம் செய்யப்பட்ட ஆடி A8 L விலை ரூ. 1 கோடியே 50 லட்சம், எக்ஸ்-ஷோரூம் என விலை நிர்ணயம் செய்யப்பட்டு இருந்தது. இந்த காரில் ஏராளமான புது அம்சங்கள், அசத்தலான என்ஜின் மற்றும் ஆடம்பர சவுகரிய வசதிகள் இடம்பெற்று இருந்தன.
புதிய 2022 ஆடி A8 L மாடல் இந்த ஆண்டு துவக்கத்தில் சர்வதேச சந்தையில் அறிமுகம் செய்யப்பட்டது. இந்த மாடலில் கூர்மையான டிசைன் உள்ளது. முன்புறம் மற்றும் பின்புறத்தில் அதிக மாற்றங்கள் செய்யப்பட்டுள்ளன. இதன் முன்புறம் சிங்கில் பிரேம் கிரில் வழங்கப்பட்டு இருக்கிறது. டிஜிட்டல் மேட்ரிஸ் எல்.இ.டி. ஹெட்லைட்கள் புது டிசைன் கொண்டிருக்கின்றன.
2022 ஆடி A8 L மாடலில் டர்போசார்ஜ் செய்யப்பட்ட 3.0 லிட்டர் வி6 என்ஜின் மற்றும் 48 வோல்ட் மைல்டு ஹைப்ரிட் சிஸ்டம் வழங்கப்பட்டு இருக்கிறது. இது 340 ஹெச்.பி. பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் குவாட்ரோ ஆல் வீல் டிரைவ் சிஸ்டம் உள்ளது. இந்த கார் மணிக்கு 0 முதல் 100 கிலோமீட்டர் வேகத்தை 5.6 நொடிகளில் எட்டிவிடும்.
இந்த கார் அதிகபட்சமாக மணிக்கு 209 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது. இதே கார் 4 லிட்டர் டர்போசார்ஜ் செய்யப்பட்ட TFSI என்ஜின் ஆப்ஷனிலும் கிடைக்கும் என கூறப்படுகிறது. இந்த என்ஜின் 460 ஹெச்.பி. பவர், 660 நியூட்டன் மீட்டர் டார்க் இழுவிசையை வெளிப்படுத்துகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X