search icon
என் மலர்tooltip icon

    கார்

    எக்ஸ்4 பிளாக் ஷேடோவ் எடிசன்
    X
    எக்ஸ்4 பிளாக் ஷேடோவ் எடிசன்

    மெர்சலான தோற்றத்தில் பி.எம்.டபிள்யூ பிளாக் ஷேடோவ் எடிசன் - ரூ.50,000 மட்டும் செலுத்தி முன்பதிவு செய்யலாம்

    இந்த கார் 2019 பிஎம்டபிள்யூ எக்ஸ்4 காரை தழுவி உருவாக்கப்பட்டுள்ளது குறிப்பிடத்தக்கது.
    பிஎம்டபிள்யூ  நிறுவனம் எக்ஸ்4 பிளாக் ஷேடோவ் எடிசன் என்ற புதிய சொகுசு கார் மாடல் ஒன்றை இந்தியாவில் விற்பனைக்கு அறிமுகம் செய்யவுள்ளது.

    எஸ்யூவி ரக காரான இதில் பல சிறப்பம்சங்கள் இடம்பெற்றுள்ளன.

    இந்த கார் 2019 பிஎம்டபிள்யூ எக்ஸ்4 காரை தழுவி உருவாக்கப்பட்டுள்ளது. எக்ஸ்4 காரின் டேஷ்போர்டு இந்த காரில் மறு வேலைப்பாடு செய்யப்பட்டு பயன்படுத்தப்பட்டுள்ளது. இத்துடன், 10.25 இன்ச் டிஜிட்டல் இன்ஸ்ட்ரூமென்ட் க்ளஸ்டர், 12.3 இன்ச் அளவுள்ள டச் ஸ்கிரீன் இன்ஃபோடெயின்மென்ட் சிஸ்டம் ஆகியவை இதில் இடம்பெற்றுள்ளன.

    எக்ஸ்4 பிளாக் ஷேடோவ் எடிசன்

    இந்த காரில் பெட்ரோல் மற்றும் டீசல் என இரு விதமான இன்ஜின் தேர்வுகள் கொடுக்கப்பட்டுள்ளன. 2.0 லிட்டர் பெட்ரோல் மற்றும் 3.0 லிட்டர் டீசல் ஆகிய மோட்டார் தேர்வுகளும் இதில் இடம்பெற்றுள்ளது. இந்த காரின் பெட்ரோல் எஞ்ஜின் 248 பிஎச்பி பவர், 350 என்எம் டார்க்கை வெளியேற்றும் திறன் கொண்டது. டீசல் எஞ்ஜின் 282 பிஎச்பி பவர் மற்றும் 650 என்எம் டார்க்கை வெளியேற்றும் திறனை கொண்டுள்ளது. இத்துடன், 8 ஸ்பீடு ஆட்டோமேட்டிக் டிரான்ஸ்மிஷன் வழங்கப்பட இருக்கின்றது. 

    இது தவிர இந்த காரில் மூன்று ஜோன் க்ளைமேட் கன்ட்ரோல், இன்ஜின் ஸ்டார்ட்-ஸ்டாப் பட்டன், எலெக்ட்ரிக் பார்க்கிங் பிரேக், ட்வீக்கட் சென்டர் கன்சோல் மற்றும் புதிய கியர் லிவர் உள்ளிட்ட கொடுக்கப்பட்டுள்ளன. எலெக்ட்ரிக் பார்க்கிங் பிரேக், ஹில் டெசன்ட் கன்ட்ரோல், பிஎம்டபிள்யூ லைவ் காக்பிட் ப்ளஸ், ஹெட்ஸ்-அப் டிஸ்பிளே, ஆண்ட்ராய்டு ஆட்டோ மற்றும் ஆப்பிள் கார் ப்ளே உள்ளிட்ட அம்சங்களும் இதில் வழங்கப்பட்டுள்ளன.

    இந்த காரில் ஸ்போர்ட்டி லுக் கிட்னி க்ரில் முகப்பு பகுதியில் பயன்படுத்தப்பட்டுள்ளது. அடாப்டீவ் எல்இடி ஹெட்லைட் மேட்ரிக்ஸ், முழு எல்இடி வால் பகுதி மின் விளக்கு, புதிய ஏப்ரான் மற்றும் ரெஃப்ளக்டர்கள் உள்ளிட்டவை இந்த எடிசனில் தரப்பட்டுள்ளன.

    ரூ.67.50 லட்சம் எக்ஸ் ஷோரூம் விலை நிர்ணயம் செய்யப்பட்டுள்ள இந்த காரின் முன்பதிவு தற்போது தொடங்கியுள்ளது. விருப்பமுள்ளவர்கள் ரூ.50,000 மட்டும் செலுத்தி காரை முன்பதிவு செய்யலாம்.
    Next Story
    ×