சக்திவாய்ந்த என்ஜினுடன் விற்பனைக்கு வரும் புதிய ஆடி கார்

ஜெர்மன் நாட்டு ஆடம்பர் கார் உற்பத்தியாளரான ஆடி, கியூ7 பேஸ்லிப்ட் மாடலை அடுத்த ஆண்டு ஜனவரி மாதம் அறிமுகம் செய்ய இருக்கிறது. இந்த மாடலில் பி.எஸ்.6 புகை விதிகளுக்கு பொருந்தும் புதிய 6 சிலிண்டர் பெட்ரோல் என்ஜின் வழங்கப்படுகிறது. இது அதிக அப்டேட்களுடன் இந்தியாவில் அறிமுகமாக இருக்கும் கியூ7 பேஸ்லிப்ட் மாடல் ஆகும்.

2022 ஆடி கியூ7 மாடலில் 2995சிசி, வி6 டுவின் டர்போசார்ஜ் செய்யப்பட்ட பெட்ரோல் என்ஜின் வழங்கப்பட இருக்கிறது. இந்த என்ஜின் 335 பி.ஹெச்.பி. திறன், 500 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இது முந்தைய மாடலை விட 90 பி.ஹெச்.பி. அதிகம் ஆகும்.

இந்த கார் மணிக்கு 100 கிலோமீட்டர் வேகத்தை 5.6 நொடிகளில் எட்டிவிடும். இதன் 3 லிட்டர் வி6 பெட்ரோல் என்ஜினுடன் 48 வோல்ட் மைல்டு ஹைப்ரிட் சிஸ்டம் வழங்கப்படுகிறது.