search icon
என் மலர்tooltip icon

    பைக்

    ராயல் என்பீல்டு சூப்பர் மீடியோர் 650 டீசர் வெளியீடு
    X

    ராயல் என்பீல்டு சூப்பர் மீடியோர் 650 டீசர் வெளியீடு

    • ராயல் என்பீல்டு நிறுவனம் சூப்பர் மீடியோர் 650 மோட்டார்சைக்கிள் வெளியீட்டை உறுதிப்படுத்தி இருக்கிறது.
    • புதிய மோட்டார்சைக்கிளுக்கான வெளியீட்டு தேதி அடங்கிய டீசரை ராயல் என்பீல்டு வெளியிட்டு இருக்கிறது.

    ராயல் என்பீல்டு நிறுவனம் சூப்பர் மீடியோர் மோட்டார்சைக்கிளுக்கான டீசரை வெளியிட்டு உள்ளது. ராயல் என்பீல்டு நிறுவனத்தின் அதிகாரப்பூர்வ யூடியூப் சேனலில் புது மோட்டார்சைக்கிள் டீசர் வெளியாகி இருக்கிறது. புதிய சூப்பர் மீடியோர் 650 மோட்டார்சைக்கிளை இத்தாலியில் நடைபெற இருக்கும் 2022 EICMA நிகழ்வில் அறிமுகம் செய்ய இருக்கிறது. இந்த மோட்டார்சைக்கிள் நவம்பர் 8 ஆம் தேதி அறிமுகம் செய்யப்படுகிறது.

    EICMA நிகழ்வில் அறிமுகமாகும் ராயல் என்பீல்டு நிறுவனத்தின் ஒற்றை பெரிய மோட்டார்சைக்கிள் இது ஆகும். இதே நிகழ்வில் ராயல் என்பீல்டு நிறுவனம் கான்செப்ட் மாடலை அறிமுகம் செய்யும் என்றும் எதிர்பார்க்கப்படுகிறது. 650சிசி பிரிவில் ராயல் என்பீல்டு அறிமுகம் செய்யும் முதல் மோட்டார்சைக்கிள் இது ஆகும்.

    புதிய குரூயிசர் மோட்டார்சைக்கிள் இதுவரை எந்த மாடலும் அறிமுகம் செய்யப்படாத பெரிய சந்தையில் அறிமுகம் செய்யப்பட இருக்கிறது. 650சிசி பிரிவில் இண்டர்செப்டார் 650 மாடல் அதன் விலை மூலம் பெரும் வரவேற்பை பெற்று இருக்கிறது. இதே போன்ற வரவேற்பு சூப்பர் மீடியோர் 650 மோட்டார்சைக்கிளிலும் தொடரும் என எதிர்பார்க்கப்படுகிறது. புதிய சூப்பர் மீடியோர் 650 விலை இண்டர்செப்டார் 650 மாடலை விட அதிகமாக இருக்கும் என தெரிகிறது.

    இந்திய சந்தையில் புதிய சூப்பர் மீடியோர் 650 மோட்டார்சைக்கிள் 2022 ரைடர் மேனியா நிகழ்வின் போது அறிமுகம் செய்யப்படலாம் என கூறப்படுகிறது. 2022 ரைடர் மேனியா நிகழ்வு நவம்பர் 18 முதல் நவம்பர் 20 ஆம் தேதி வரை கோவாவில் நடைபெற இருக்கிறது. இந்த நிகழ்வில் ராயல் என்பீல்டு வாடிக்கையாளர்கள் புதிய பைக்கை நேரில் பார்ப்பதோடு, அதனை தொட்டு அனுபவிக்க முடியும்.

    Photo Courtesy: Bikewale

    Next Story
    ×