என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
ஆட்டோமொபைல்
X
இரு பி.எம்.டபுள்யூ. மோட்டார்சைக்கிள்களுக்கு ரூ. 1 லட்சம் மதிப்பிலான சலுகை அறிவிப்பு
Byமாலை மலர்24 Dec 2019 10:27 AM GMT (Updated: 24 Dec 2019 10:27 AM GMT)
பி.எம்.டபுள்யூ. நிறுவனம் தனது இரண்டு மோட்டார்சைக்கிள் மாடல்களை வாங்குவோருக்கு ரூ. 1 லட்சம் மதிப்பிலான சலுகைகளை வழங்குவதாக அறிவித்துள்ளது.
பி.எம்.டபுள்யூ. நிறுவனம் தனது ஜி 310 ஆர் ரோட்ஸ்டர் மற்றும் ஜி 310 ஜி.எஸ். மோட்டார்சைக்கிள் மாடல்களை வாங்குவோருக்கு வருடாந்தர சலுகைகளை அறிவித்துள்ளது. தற்சமயம் இரு மோட்டார்சைக்கிள்களின் விலை முறையே ரூ. 2.99 லட்சம் மற்றும் ரூ. 3.49 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
இரு மோட்டார்சைக்கிள்களை வாங்குவோருக்கு பி.எம்.டபுள்யூ. நிறுவனம் மூன்று ஆண்டுகள், வரம்பற்ற கிலோமீட்டர்களுக்கு வாரண்டி வழங்குகிறது. பி.எம்.டபுள்யூ. ஜி 310 ஆர் மற்றும் ஜி 310 ஜி.எஸ். மாடல்களில் 313சிசி, லிக்விட் கூல்டு, சிங்கிள் சிலிண்டர், 4-ஸ்டிரோக் என்ஜின் வழங்கப்பட்டுள்ளது.
இந்த என்ஜின் 34 பி.ஹெச்.பி. பவர், 28.4 என்.எம். டார்க் செயல்திறன் வழங்குகிறது. இத்துடன் இரு மாடல்களிலும் 6 ஸ்பீடு டிரான்ஸ்மிஷன் கொண்டிருக்கிறது. மேலும் முன்புறம் 41 எம்.எம். அப்சைடு-டவுன் ஃபோர்க், பின்புறம் மோனோ ஷாக் சஸ்பென்ஷன் வழங்கப்பட்டுள்ளது.
பிரேக்கிங்கிற்கு முன்புறம் 300 எம்.எம். டிஸ்க், பின்புறம் 240 எம்.எம். டிஸ்க் பிரேக் வழங்கப்பட்டுள்ளது. இத்துடன் டூயல் சேனல் ஏ.பி.எஸ். வசதி வழங்கப்பட்டுள்ளது.
இந்தியாவில் பி.எம்.டபுள்யூ. ஜி 310 ஆர் மாடல் கே.டி.எம். டியூக் 390, பஜாஜ் டாமினர் 400, யமஹா YZF R3, கவாசகி நின்ஜா 300 மற்றும் டி.வி.எஸ். அபாச்சி 310 ஆர்.ஆர். மாடல்களுக்கு போட்டியாக அமைந்துள்ளது.
பி.எம்.டபுள்யூ. ஜி 310 ஜி.எஸ். மாடல் ராயல் என்ஃபீல்டு ஹிமாலயன், கவாசகி வெர்சிஸ் எக்ஸ் 300 மற்றும் விரைவில் அறிமுகம் செய்யப்பட இருக்கும் கே.டி.எம். அட்வென்ச்சர் 390 மாடல்களுக்கு போட்டியாக அமைகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X