பிஎம்டபிள்யூ 2 சீரிஸ் கிரான் கூப் மாடல் இந்தியாவில் சோதனை செய்யப்படும் போது எடுக்கப்பட்ட புகைப்படங்கள் இணையத்தில் வெளியாகியுள்ளது. புதிய 2 சீரிஸ் மாடல் இந்த ஆண்டு இறுதிக்குள் இந்திய சந்தையில் அறிமுகம் செய்யப்பட இருக்கிறது.
ஸ்பை படங்களில் முழுமையாக மறைக்கப்பட்ட நிலையில் காட்சியளிக்கும் புதிய காரின் பின்புறம் புகை வெளியீட்டை சோதனை செய்யும் உபகரணம் பொருத்தப்பட்டுள்ளது. இத்துடன் காரில் எல்இடி ஹெட்லைட்கள், இன்டகிரேட் செய்யப்பட்ட டிஆர்எல்கள், 5-ஸ்போக் அலாய் வீல்கள், ஸ்ப்லிட் எல்இடி டெயில் லேம்ப் உள்ளிட்டவை வழங்கப்படுகிறது.
புதிய என்ட்ரி லெவல் ஆடம்பர செடான் மாடல் சர்வதேச சந்தையில் கடந்த ஆண்டு நவம்பர் மாதத்தில் அறிமுகம் செய்யப்பட்டது. புதிய கிரான் கூப் மாடல் பிஎம்டபிள்யூ நிறுவனத்தின் FAAR பிளாட்ஃபார்மில் உருவாகி இருக்கிறது. இது முன்புற டிரைவ் வசதி கொண்டது ஆகும்.
பிஎம்டபிள்யூ 2 சீரிஸ் கிரான் கூப் மாடல்- 220ஐ 181 பிஹெச்பி பவர், 290 என்எம் டார்க் செயல்திறன் வழங்கும் 2.0 லிட்டர் பெட்ரோல் என்ஜின் மற்றும் 22டி 188 பிஹெச்பி பவர், 400 என்எம் டார்க் செயல்திறன் வழங்கும் 2.0 லிட்டர் டீசல் என்ஜின் ஆப்ஷன்களில் வெளியாகும் என தெரிகிறது. இரு என்ஜின்களுடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.
