தொழில்நுட்பச் செய்திகள்
யூடியூப்பில் அறிமுகமாகும் புதிய அம்சம்.. இனி வீடியோவை கட் செய்வது ஈசி...
இந்த அம்சத்தால் தனியாக இனி யூடியூப் வீடியோ டவுன்லோடர்கள், கிளிப் கட்டர்கள் செயலிகளை நாம் பயன்படுத்த வேண்டியதில்லை என அந்நிறுவனம் தெரிவித்துளது.
உலகம் முழுவதும் வீடியோக்களை பதிவிடும் பிரபல இணையதளமாக யூடியூப் உள்ளது. யூடியூப்பில் தினமும் கோடிக்கணக்கான வீடியோக்கள் பகிரப்படுகின்றன. பயனர்கள் வீடியோக்களை பார்ப்பதுடன் தங்களுக்கு விருப்பமான வீடியோவை பகிர்ந்தும் வருகின்றனர்.
இந்நிலையில் பயனர்களுக்கு முழு வீடியோவையும் பகிராமல் தங்களுக்கு பிடித்த விஷயங்களை மட்டும் கட் செய்து பகிரும் வகையில் புதிய அம்சத்தையும் அறிமுகம் செய்துள்ளது.
இதன்படி பயனர்கள் 60 நொடிகளுக்கு வீடியோக்களை கட் செய்து பகிர முடியும். இதற்கு கிளிப் என பெயரிடப்பட்டுள்ளது. யூடியூப் வீடியோவிற்கு கீழ் லைக், ஷேர், சேவ் ஆகிய ஐகான்களுக்கு மத்தியில் இந்த கிளிப் அம்சம் இடம்பெறும். தற்போது குறிப்பிட்ட பயனர்களுக்கு மட்டுமே வழங்கப்பட்டுள்ள இந்த அம்சம் விரைவில் அனைவருக்கும் வழங்கப்படும்.
இந்த அம்சத்தால் தனியாக இனி யூடியூப் வீடியோ டவுன்லோடர்கள், கிளிப் கட்டர்கள் செயலிகளை நாம் பயன்படுத்த வேண்டியதில்லை என அந்நிறுவனம் தெரிவித்துள்ளது.