விரைவில் அமிதாப் பச்சன் குரலில் அமேசான் அலெக்சா

இந்தியாவில் முன்னணி இ காமர்ஸ் நிறுவனமாக விளங்கும் அமேசான் இந்தியா, அமிதாப் பச்சனுடன் இணைந்து அலெக்சா வாய்ஸ் அசிஸ்டண்ட் சேவையில் புதிய அம்சத்தை அறிமுகம் செய்வதாக அறிவித்து உள்ளது.

அதன்படி அலெக்சா சேவையில் அமிதாப் பச்சன் குரல் பயன்படுத்தப்பட இருக்கிறது. இதற்கென அமிதாப் பச்சன் அமேசான் நிறுவனத்துடன் பணியாற்றுகிறார். அமிதாப் பச்சன் குரல் மட்டுமின்றி அவரது ஜோக்குகள், அவர் அடிக்கடி பயன்படுத்தும் வார்த்தை மற்றும் பேச்சு மொழி உள்ளிட்டவை அலெக்சாவில் வழங்கப்பட இருக்கிறது. 

பயனர்கள் அலெக்சாவிடம் ஏதேனும் கேள்வி கேட்டு அமிதாப் பச்சன் குரலில் அதற்கான பதிலை பெற்றுக் கொள்ளலாம். இந்த அம்சம் அடுத்த ஆண்டு துவக்கத்தில் வெளியிடப்பட இருக்கிறது. இது அமேசான் எக்கோ, ஃபயர் டிவி ஸ்டிக், அலெக்சா செயலி மற்றும் இதர மூன்றாம் தரப்பு சாதனங்களிலும் வழங்கப்பட இருக்கிறது.