ரிலையன்ஸ் ஜியோ சலுகையில் டிஸ்னி பிளஸ் ஹாட்ஸ்டார் விஐபி சந்தா இலவசம்

ரிலையன்ஸ் ஜியோ நிறுவனம் புதிய ரூ. 222 பிரீபெயிட் சலுகையுடன் டிஸ்னி பிளஸ் ஹாட்ஸ்டார் விஐபி சந்தாவினை தேர்வு செய்யப்பட்ட சில வாடிக்கையாளர்களுக்கு மட்டும் வழங்குவதாக தகவல் வெளியாகி உள்ளது. 

இந்த சலுகை தற்சமயம் டிஸ்னி பிளஸ் ஹாட்ஸ்டார் சந்தா பலன் பெறாத வருடாந்திர வாடிக்கையாளர்களுக்காக அறிவிக்கப்பட்டுள்ளதாக கூறப்படுகிறது.

முன்னதாக இம்மாத துவக்கத்தில் ரிலையன்ஸ் ஜியோ டிஸ்னி பிளஸ் ஹாட்ஸ்டார் விஐபி சந்தாவினை ரூ. 401, ரூ. 2599 உள்ளிட்ட சலுகைகளை தேர்வு செய்யும் வாடிக்கையார்களுக்கு வழங்கியது. 

புதிய அறிவிப்பு ஏற்கனவே வருடாந்திர சலுகையை தேர்வு செய்து டிஸ்னி பிளஸ் ஹாட்ஸ்டார் பலன் கிடைக்காதவர்களுக்கு பலன் அளிக்கும் என கூறப்படுகிறது. ரிலையன்ஸ் ஜியோ ரூ. 222 சலுகையில் 15 ஜிபி அதிவேக டேட்டா, வாடிக்கையாளர்களின் பேஸ் பிளான் வேலிடிட்டி இருக்கும் வரை வழங்கப்படுகிறது. 

இத்துடன் ஒரு வருடத்திற்கான டிஸ்னி பிளஸ் ஹாட்ஸ்டார் விஐபி சந்தாவையும் பெற முடியும். தற்போதைய தகவல்களின் படி இந்த சலுகை தேர்வு செய்யப்பட்ட சில வாடிக்கையாளர்களுக்கு மட்டுமே வழங்கப்படுவதாக தெரிகிறது.