இந்தியாவில் சியோமி ஸ்மார்ட்போன்கள் விலை குறைப்பு

சியோமி நிறுவன சாதனங்கள் தீபாவளி பண்டிகையை முன்னிட்டு பல்வேறு சலுகைகளும், சில சாதனங்களின் விலை குறைக்கப்பட்டு இருந்தது. இந்நிலையில், பண்டிகை காலத்தில் அறிவிக்கப்பட்டு இருந்த விலை குறைப்பு சில சாதனங்களில் நிரந்தரமாக நீட்டிக்கப்படுகிறது.

அந்த வகையில் சியோமி Mi ஏ2, ரெட்மி நோட் 5 ப்ரோ மற்றும் ரெட்மி வை2 ஸ்மார்ட்போன் மாடல்களின் விலை ரூ.1,000 நிரந்தரமாக குறைக்கப்படுகிறது. இந்தியாவில் தொடர்ச்சியாக ஐந்து காலாண்டுகளாக முன்னணி ஸ்மார்ட்போன் நிறுவனமாக இருப்பதை கொண்டாடும் வகையில் இந்த சலுகை வழங்குவதாக சியோமி அறிவித்துள்ளது.

சியோமி Mi ஏ2 (4ஜி.பி. + 64 ஜி.பி.) ரூ.1,000 குறைக்கப்பட்டு தற்சமயம் ரூ.15,999 விலையில் விற்பனை செய்யப்படுகிறது.

சியோமி Mi ஏ2 (6ஜி.பி. + 128 ஜி.பி.) ரூ.1,000 குறைக்கப்பட்டு தற்சமயம் ரூ.18,999 விலையில் விற்பனை செய்யப்படுகிறது.

சியோமி ரெட்மி வை2 (4ஜி.பி. + 64 ஜி.பி.) ரூ.1,000 குறைக்கப்பட்டு தற்சமயம் ரூ.11,999 விலையில் விற்பனை செய்யப்படுகிறது.

சியோமி ரெட்மி நோட் 5 ப்ரோ (4ஜி.பி. + 64 ஜி.பி.) ரூ.1,000 குறைக்கப்பட்டு தற்சமயம் ரூ.13,999 விலையில் விற்பனை செய்யப்படுகிறது.

சியோமி ரெட்மி நோட் 5 ப்ரோ (6ஜி.பி. + 64 ஜி.பி.) ரூ.1,000 குறைக்கப்பட்டு தற்சமயம் ரூ.15,999 விலையில் விற்பனை செய்யப்படுகிறது.

புதிய விலை குறைப்பு ஏற்கனவே அமலாகி விட்டது. மேலும் சியோமி நிறுவனம் தனது ரெட்மி நோட் 6 ப்ரோ ஸ்மார்ட்போனினை நவம்பர் 22ம் தேதி இந்தியாவில் அறிமுகம் செய்ய இருக்கிறது.

முன்னதாக சியோமி நிறுவனத்தின் ரெட்மி 6, ரெட்மி 6ஏ ஸ்மார்ட்போன் மாடல்கள், 10,000 எம்.ஏ.ஹெச். Mi பவர்பேங்க் மற்றும் Mi டி.வி. 32 இன்ச் ப்ரோ மற்றும் 49 இன்ச் ப்ரோ மாடல்களின் விலை அதிகரித்தது.