தொழில்நுட்பம்
இந்தியாவில் புதிய ஹானர் ஸ்மார்ட்போன் பட்ஜெட் விலையில் அறிமுகம்
ஹானர் பிரான்டு புதிய ஸ்மார்ட்போன் பட்ஜெட் விலையில் இந்தியாவில் அறிமுகம் செய்யப்பட்டுள்ளது. இதன் விலை மற்றும் முழு விவரங்களை தொடர்ந்து பார்ப்போம். #Honor7S
ஹூவாய் துணை பிரான்டான ஹானர் புதிய பட்ஜெட் ஸ்மார்ட்போனினை இந்தியாவில் அறிமுகம் செய்துள்ளது.
மே மாதத்தில் சீன சந்தையில் வெளியிடப்பட்ட ஹானர் 7எஸ் ஸ்மார்ட்போன் தற்சமயம் இந்தியாவில் வெளியிடப்பட்டுள்ளது. 5.45 இன்ச் ஹெச்.டி. பிளஸ் 720x1440 பிக்சல், ஃபுல் வியூ டிஸ்ப்ளே, குவாட்கோர் மீடியாடெக் MT6739 சிப்செட், 2 ஜிபி ரேம், 16 ஜிபி இன்டெர்னல் மெமரி வழங்கப்பட்டுள்ளது.
புகைப்படங்களை எடுக்க 13 எம்பி பிரைமரி கேமரா, PDAF, எல்.இ.டி. ஃபிளாஷ், முன்பக்கம் 5 எம்பி கேமரா வழங்கப்பட்டுள்ளது. புதிய ஹானர் 7எஸ் மாடலில் ஐ ப்ரோடெக்ஷன் எனும் அம்சம் சேர்க்கப்பட்டுள்ளது. இது ஸ்மார்ட்போனில் தரவுகளை படிக்கும் போது டிஸ்ப்ளேவில் நீல நிற ஃபில்ட்டரை சேர்க்கும்.
ஹானர் 7எஸ் சிறப்பம்சங்கள்:
- 5.45 இன்ச் 1440x720 பிக்சல் 18:9 TFT ஃபுல் வியூ டிஸ்ப்ளே
- 1.5 ஜிகாஹெர்ட்ஸ் குவாட்-கோர் மீடியாடெக் MT6739 64-பிட் பிராசஸர்
- பவர் வி.ஆர். ரோக் GE8100 GPU
- 2 ஜிபி ரேம்
- 16 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ மற்றும் EMUI 8.1
- டூயல் சிம் ஸ்லாட்
- 13 எம்பி பிரைமரி கேமரா, எல்இடி ஃபிளாஷ், PDAF
- 5 எம்பி முன்பக்க கேமரா, எல்இடி ஃபிளாஷ்
- 3.5 எம்.எம். ஆடியோ ஜாக், எஃப்.எம். ரேடியோ
- 4ஜி எல்.டிஇ, வைபை, ப்ளூடூத்
- ஃபேஸ் அன்லாக்
- 3020 எம்.ஏ.ஹெச். பேட்டரி
இந்தியாவில் ஹானர் 7எஸ் ஸ்மார்ட்போன் விலை ரூ.6,999 என நிர்ணயம் செய்யப்பட்டுள்ளது. ஹானர் அதிகாரப்பூர்வ வலைத்தளம் மற்றும் ப்ளிப்கார்ட் தளத்தில் விற்பனை செய்யப்பட இருக்கும் ஹானர் 7எஸ் பிளாக், புளு மற்றும் கோல்டு நிறங்களில் கிடைக்கிறது. ஹானர் 7எஸ் மாடலின் முதல் ஃபிளாஷ் விற்பனை செப்டம்பர் 14-ம் தேதி மதியம் 12.00 மணிக்கு நடைபெறுகிறது.