அறிந்து கொள்ளுங்கள்

ஒரே ஆண்டில் 10 கோடி டவுன்லோட்களை கடந்தது பேட்டில்கிரவுண்ட்ஸ் மொபைல் இந்தியா

Published On 2022-07-01 10:39 GMT   |   Update On 2022-07-01 10:39 GMT
  • பேட்டில்கிரவுண்ட்ஸ் மொபைல் கேமினை கூகுள் பிளே ஸ்டோரில் 10 கோடிக்கும் அதிகமானோர் டவுன்லோட் செய்துள்ளனர்.
  • பப்ஜி மொபைல் கேமின் புது வடிவமாக அறியப்படும் பேட்டில்கிரவுண்ட்ஸ் மொபைல் டவுன்லோட்களில் அசத்தி வருகிறது.

பேட்டில்கிரவுண்ட்ஸ் மொபைல் இந்தியா கேம் கூகுள் பிளே ஸ்டோர் டவுன்லோட்களில் நல்ல வரவேற்பை பெற்று வருகிறது. கிராப்டான் நிறுவனம் பேட்டில்கிரவுண்ட்ஸ் மொபைல் இந்தியா கேமினை ஆண்ட்ராய்டு தளங்களுக்கென கூகுள் பிளே ஸ்டோரில் கடந்தாண்டு வெளியிட்டது. முன்னதாக இந்தியாவில் தடை செய்யப்பட்ட பப்ஜி மொபைல் கேமின் புது வடிவமாக அறியப்படும் பேட்டில்கிரவுண்ட்ஸ் மொபைல் டவுன்லோட்களில் அசத்தி வருகிறது.

இதுவரை பேட்டில்கிரவுண்ட்ஸ் மொபைல் கேமினை கூகுள் பிளே ஸ்டோரில் 10 கோடிக்கும் அதிகமானோர் டவுன்லோட் செய்துள்ளனர். வெளியிடப்பட்ட ஒரே ஆண்டில் 10 கோடிக்கும் அதிகாமானோர் டவுண்லோட் செய்துள்ளனர். இதையொட்டி பல்வேறு போட்டிகளையும் நடத்த உள்ளதாக கிராப்டான் நிறுவனத்தின் சிஇஓ தெரிவித்துள்ளார்.


பேட்டில்கிரவுண்ட்ஸ் பயனர்களுக்காக நடத்தப்படும் இந்த போட்டியில் பரிசுகளும் வழங்கப்பட இருப்பதாக கூறப்படுகிறது. பரிசுக்காக ரூ.6 கோடி வரை அந்நிறுவனம் செலவழிக்க உள்ளதாக கூறப்படுகிறது. இந்த போட்டிகள் எப்போது நடத்தப்படும் என்பது குறித்த அறிவிப்புகள் விரைவில் வெளியாகும் என எதிர்பார்க்கப்படுகிறது.

Tags:    

Similar News