விவோ T1 5ஜி புது வேரியண்ட் இந்தியாவில் அறிமுகம் - என்ன ஸ்பெஷல் தெரியுமா?

விவோ நிறுவனம் முற்றிலும் புதிய லிமிடெட் எடிஷன் T1 5ஜி ஸ்மார்ட்போனினை சில்கி வைட் எனும் நிறத்தில் அறிமுகம் செய்oது இருக்கிறது. வரும் வெள்ளிக் கிழமை (செப்டம்பர் 23) துவங்கும் ப்ளிப்கார்ட் பிக் பில்லியன் டேஸ் சிறப்பு விற்பனையின் போது விவோ நிறுவனம் தனது T1 சீரிஸ் ஸ்மார்ட்போன் மாடல்களுக்கு அசத்தல் சலுகை மற்றும் தள்ளுபடி உள்ளிட்டவைகளை வழங்குகிறது.

விவோ T1 5ஜி ஸ்மார்ட்போன் 6.58 இன்ச், 120Hz FHD+ டிஸ்ப்ளே, 50MP பிரைமரி கேமரா, 2MP மேக்ரோ மற்றும் டெப்த் கேமரா, 16MP செல்பி கேமரா கொண்டிருக்கிறது. இத்துடன் குவால்காம் ஸ்னாப்டிராகன் 695 5ஜி ஆக்டா கோர் பிராசஸர், அதிகபட்சம் 8 ஜிபி ரேம், 128 ஜிபி மெமரி, பண்டச் ஒஎஸ் 12, 5000 எம்ஏஹெச் பேட்டரி மற்றும் 18 வாட் சார்ஜர் வழங்கப்பட்டுள்ளது. இந்த ஸ்மார்ட்போன் ரிவர்ஸ் சார்ஜிங் வசதி கொண்டிருக்கிறது.

முன்னதாக விவோ T1 5ஜி ஸ்மார்ட்போன் ரெயின்போ ஃபேண்டசி மற்றும் ஸ்டார்லைட் பிளாக் என இரண்டு நிறங்களில் அறிமுகம் செய்யப்பட்டது. விவோ T1 5ஜி அனைத்து நிறங்களிலும் ஒரே மாதிரியான அம்சங்களே வழங்கப்பட்டு இருக்கிறது.

விவோ T1 5ஜி அம்சங்கள்:

6.58 இன்ச் 2408x1080 பிக்சல் FHD+ 120Hz LCD ஸ்கிரீன்

ஆக்டா கோர் ஸ்னாப்டிராகன் 695 பிராசஸர்

அட்ரினோ 619L GPU

4 ஜிபி / 6 ஜிபி / 8 ஜிபி ரேம்

128 ஜிபி மெமரி

ஆண்ட்ராய்டு 11 சார்ந்த பன்டச் ஒஎஸ் 12

ஹைப்ரிட் டூயல் சிம் ஸ்லாட்

50MP பிரைமரி கேமரா

2MP டெப்த் கேமரா

2MP மேக்ரோ கேமரா

16MP செல்பி கேமரா

பக்கவாட்டில் கைரேகை சென்சார்

3.5 எம்எம் ஆடியோ ஜாக்

5ஜி, டூயல் 4ஜி வோல்ட்இ, வைபை, ப்ளூடூத் 5

யுஎஸ்பி டைப் சி

5000 எம்ஏஹெச் பேட்டரி

18 வாட் பாஸ்ட் சார்ஜிங்

விலை மற்றும் விற்பனை விவரங்கள்:

புதிய விவோ T1 5ஜி ஸ்மார்ட்போன் சில்கி வைட் நிற வேரியண்ட் விலை ரூ. 13 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் மற்றும் விவோ இந்தியா இ ஸ்டோர் வலைதளங்களில் நடைபெற இருக்கிறது. இதன் 4 ஜிபி ரேம், 128 ஜிபி மெமரி மாடல் விலை ரூ. 15 ஆயிரத்து 990 என்றும் 6 ஜிபி ரேம், 128 ஜிபி மெமரி மாடல் விலை ரூ. 16 ஆயிரத்து 990 என்றும் நிர்ணயம் செய்யப்பட்டு உள்ளது.