ஸ்னாப்டிராகன் 4 ஜென் 1 பிராசஸர் கொண்ட ரெட்மி நோட் 12 5ஜி இந்தியாவில் அறிமுகம்!

ரெட்மி நோட் 12 ப்ரோ மற்றும் நோட் 12 ப்ரோ பிளஸ் 5ஜி ஸ்மார்ட்போன்களுடன் சியோமி நிறுவனத்தின் ரெட்மி நோட் 12 5ஜி ஸ்மார்ட்போனும் இந்திய சந்தையில் அறிமுகமானது. புதிய ரெட்மி நோட் ஸ்மார்ட்போனில் 6.67 இன்ச் FHD+ AMOLED டிஸ்ப்ளே, 120Hz ரிப்ரெஷ் ரேட், ஸ்னாப்டிராகன் 4 ஜென் 1 பிராசஸர், அதிகபட்சம் 6 ஜிபி ரேம், 13MP செல்ஃபி கேமரா போன்ற அம்சங்கள் வழங்கப்பட்டு இருக்கிறது.

7.98 மில்லிமீட்டர் அளவில் உருவாகி இருக்கும் நிலையில், இதுவரை வெளியான ரெட்மி நோட் சீரிஸ் மாடல்களில் மிகவும் மெல்லிய நோட் ஸ்மார்ட்போன் இது என சியோமி தெரிவித்து இருக்கிறது. ஆண்ட்ராய்டு 12 மற்றும் MIUI 13 ஒஎஸ் கொண்டிருக்கும் ரெட்மி நோட் 12 5ஜி ஸ்மார்ட்போனிற்கு இரண்டு ஆண்ட்ராய்டு ஒஎஸ் அப்டேட்கள், நான்கு ஆண்டுகள் செக்யுரிட்டி அப்டேட்கள் வழங்கப்பட இருக்கிறது.

இத்துடன் 48MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ சென்சார், பக்கவாட்டில் கைரேகை சென்சார், 5000 எம்ஏஹெச் பேட்டரி, 33 வாட் ஃபாஸ்ட் சார்ஜிங் வசதி வழங்கப்பட்டுள்ளது.

ரெட்மி நோட் 12 5ஜி அம்சங்கள்:

6.67 இன்ச் FHD+ 1080x2400 பிக்சல் சூப்பர் AMOLED டிஸ்ப்ளே, 120Hz ரிப்ரெஷ் ரேட்

கார்னிங் கொரில்லா கிளாஸ் 3 பாதுகாப்பு

ஆக்டா கோர் ஸ்னாப்டிராகன் 4 ஜென் 1 பிராசஸர்

அட்ரினோ GPU

4 ஜிபி, 6 ஜிபி LPDDR4X ரேம்

128 ஜிபி UFS 2.2 மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 மற்றும் MIUI 13

ஹைப்ரிட் டூயல் சிம் ஸ்லாட்

48MP பிரைமரி கேமரா

8MP அல்ட்ரா வைடு கேமரா

2MP மேக்ரோ கேமரா

13MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

டஸ்ட் மற்றும் ஸ்பிலாஷ் ரெசிஸ்டண்ட்

5ஜி, டூயல் 4ஜி வோல்ட்இ, வைபை 6, ப்ளூடூத் 5.1

யுஎஸ்பி டைப் சி

5000 எம்ஏஹெச் பேட்டரி

33 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

ரெட்மி நோட் 12 5ஜி ஸ்மார்ட்போன் ஃபிராஸ்டெட் கிரீன், மேட் பிளாக் மற்றும் மிஸ்டிக் புளூ போன்ற நிறங்களில் கிடைக்கிறது. இதன் 4 ஜிபி ரேம், 128 ஜிபி மெமரி மாடல் விலை ரூ. 17 ஆயிரத்து 999 என்றும் 6 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் நிர்ணயம் செய்யப்பட்டு உள்ளது. வங்கி தள்ளுபடி மற்றும் எக்சேன்ஜ் சலுகைகளை பெறும் பட்சத்தில் இந்த ஸ்மார்ட்போனினை முறையே ரூ. 15 ஆயிரத்து 499 மற்றும் ரூ. 17 ஆயிரத்து 499 விலையில் வாங்கிட முடியும்.

புதிய ரெட்மி நோட் 12 5ஜி ஸ்மார்ட்போனின் விற்பனை அமேசான், Mi வலைதளம் மற்றும் ஆஃப்லைன் ஸ்டோர்களில் ஜனவரி 11 ஆம் தேதி துவங்குகிறது.