ஸ்மார்ட்போன், லேப்டாப்பிற்கு ரூ. 16 ஆயிரம் வரை தள்ளுபடி வழங்கும் ரியல்மி

ரியல்மி நிறுவனம் "ரியல்மி பெஸ்டிவ் டேஸ்" சிறப்பு விற்பனையை அறிவித்து இருக்கிறது. இந்த சிறப்பு விற்பனையில் ரியல்மி நிறுவன ஸ்மார்ட்போன், லேப்டாப் மற்றும் இதர சாதனங்களுக்கு ரூ. 16 ஆயிரம் வரையிலான சலுகைகளை வழங்குகிறது. இத்துடன் சமீபத்தில் அறிமுகம் செய்யப்பட்ட ரியல்மி GT நியோ 3T ஸ்மார்ட்போனும் விற்பனைக்கு வருகிறது. ரியல்மி நடத்தும் சிறப்பு விற்பனை செப்டம்பர் 23 ஆம் தேதி துவங்குகிறது.

சிறப்பு விற்பனை ரியல்மி ஆன்லைன் ஸ்டோர், ப்ளிப்கார்ட் மற்றும் அமேசான் வலைதளங்களில் நடைபெறுகிறது. இதே தேதியில் தான் ப்ளிப்கார்ட் தளத்தில் பிக் பில்லியன் டேஸ் 2022 மற்றும் அமேசான் தளத்தில் அமேசான் கிரேட் இந்தியன் பெஸ்டிவல் 2022 விற்பனைகள் துவங்க இருக்கின்றன.

ரியல்மி பெஸ்டிவ் டேஸ் சேல் விற்பனை செப்டம்பர் 23 ஆம் தேதி நள்ளிரவு 12.00 மணிக்கு துவங்குகிறது. சிறப்பு விற்பனை ரியல்மி, ப்ளிப்கார்ட் மற்றும் அமேசான் வலைதளங்களில் துவங்க இருக்கிறது. சிறப்பு விற்பனையில் நேற்று அறிமுகம் செய்யப்பட்ட ரியல்மி GT நியோ 3T ஸ்மார்ட்போன் ரூ. 7 ஆயிரம் தள்ளுபடி செய்யப்பட்ட விலையில் விற்பனைக்கு வருகிறது. இந்த ஸ்மார்ட்போன் ப்ளிப்கார்ட் மற்றும் ரியல்மி வலைதளங்களில் விற்பனைக்கு வருகிறது.

முந்தைய தகவல்களில் இந்த சலுகையுடன் சேர்க்கும் பட்சத்தில் 80 வாட் பாஸ்ட் சார்ஜிங் மற்றும் குவால்காம் ஸ்னாப்டிராகன் 870 பிராசஸர் கொண்ட குறைந்த விலை ஸ்மார்ட்போனாக ரியல்மி GT நியோ 3T இருக்கும் என கூறப்பட்டது. இது தவிர ரியல்மி GT 2 ப்ரோ ஸ்மார்ட்போன் வாங்குவோருக்கு ரூ. 15 ஆயிரம் வரை தள்ளுபடி வழங்கப்படுகிறது. ரியல்மி நார்சோ 50 5ஜி மாடல் ரூ. 11 ஆயிரத்து 999 துவக்க விலையில் விற்பனைக்கு வருகிறது.