திருக்கனூர் லயன்ஸ் சங்கம் புதிய தலைவராக அசார் தேர்வு

புதுச்சேரி:

திருக்கனூர் லயன்ஸ் சங்கத்தின் 2023-2024-ம் ஆண்டிற்கான புதிய நிர்வாகிகள் தேர்வு கூட்டம் விஜயா திருமண மண்டபத்தில் நடைபெற்றது.

இதில் புதிய தலைவராக திருக்கனூர் அசார் என்கிற முகமது அசாருதீனும், செய லாளராக மண்ணாடிப்பட்டு இளங்கோவன், பொருளாள ராக திருக்கனூர் செல்வ குமார் ஆகியோர் தேர்வு செய்யப்பட்டனர். புதிய நிர்வாகிகளுக்கு லயன்ஸ் சங்கம் மாவட்ட தலைவர்கள், நிர்வாகிகள் ஆகியோர் சால்வை அணிவித்து வாழ்த்து தெரிவித்தனர்.

இதில் திருக்கனூர் லயன்ஸ் சங்கத்தில் கண்தானம் செய்த கூனிச்சம்பட்டைச் சேர்ந்த ராஜம் அம்மாள், காளியம்மாள் ஆகியோர் குடும்பத்தினருக்கு ரூ.10,000 நன்கொடை வழங்கப்பட்டது.