அசத்தல் அம்சங்களுடன் ஹெட்போன்கள்: சென்ஹெய்சர் அறிமுகம்

புதுடெல்லி:

சென்ஹெய்சர் நிறுவனத்தின் இரண்டு புதிய ஆடியோ சாதனங்கள் அமெரிக்காவில் நடைபெற்று வரும் சி.இ.எஸ். 2018 விழாவில் அறிமுகம் செய்யப்பட்டுள்ளது.

ப்ளூடூத் மற்றும் வயர்லெஸ் வசதி கொண்ட CX 6.00BT ஹெட்செட் மற்றும் HD 920 பிரீமியம் ஹெட்போன்களை சென்ஹெய்சர் அறிமுகம் செய்துள்ளது. புதிய CX 6.00BT இயர்பட்ஸ் குறைந்த எடை, அழகிய வடிவமைப்பு, கழுத்தில் வைத்து பயன்படுத்த சவுகரிய அனுபவத்தை வழங்குகிறது. 

சென்ஹெய்சர் HD 820 டைனமிக் ஸ்டீரியோ ஹெட்போன்கள் சுவாரஸ்ய மற்றும் பிரத்யேக ஆடியோ அனுபவம் வழங்கும் படி கிளாஸ் டிராஸ்டியூசர் கவர் வழங்கப்பட்டுள்ளது. இத்துடன் குவால்காம் ஆப்ட்-X லோ லேடென்சி வழங்கப்பட்டிருப்பதால் கேமிங் அல்லது வீடியோ பார்க்கும் போது ஆடியோ தரத்தை மிக துல்லிமாக வழங்கும் திறன் கொண்டிருக்கிறது.

- ப்ளூடூத் 4.2

-  14 கிராம் எடை கொண்ட ஃபிரேம்

- இன்டகிரேடெட் மைக்ரோபோன்

- மூன்று பட்டன் கொண்ட ரிமோட்

- அழைப்புகள், மியூசிக் உள்ளிட்டவற்றை விரல் நுனியில் இயக்க முடியும் 

- அழைப்புகள் மற்றும் பேட்டரி அளவு நோட்டிபிகேஷன்

- நான்கு வித அளவுகளில் இயர் அடாப்டர்கள்

- 6 மணி நேர பேட்டரி பேக்கப் 

- ஃபாஸ்ட் சார்ஜிங் வசதி

சென்ஹெய்சர் CX 6.00BT விலை 99 டாலர்கள் அதாவது இந்திய மதிப்பில் ரூ.6,280 என நிர்ணயம் செய்யப்பட்டுள்ளது. விற்பனை இம்மாத இறுதிக்குள் துவங்கும் என தெரிவிக்கப்பட்டுள்ளது.

- இசையின் இயற்கை அனுபவத்தை வழங்கும் புதிய தொழில்நுட்பம்

- மென்மையான மைக்ரோஃபைபர் இயர்பேட் சவுகரியத்தை வழங்குகிறது 

- ஓபன் ஹெட்போன்களை போன்ற அனுபவத்தை வழங்கும் வடிவமைப்பு

இத்துடன் பல்வேறு புதிய தொழில்நுட்பங்கள் மற்றும் சில்வர் கிளேட் செய்யப்பட்ட OFC கேபிள்கள் வழங்கப்பட்டிருக்கிறது. இவை இசை அனுபவத்தை மேம்படுத்துகிறது. சென்ஹெய்சர் HD 820 விலை 2399 யூரோ அதாவது இந்திய மதிப்பில் ரூ.1,52,420 என நிர்ணயம் செய்யப்பட்டுள்ளது. 

சென்ஹெய்சர் HD 820 ஹெட்போன்களுக்கான முன்பதிவுகள் அமெரிக்காவில் ஏற்கனவே துவங்கியுள்ளது. வுிரைவில் விற்பனை குறித்த அறிவிப்பு வெளியாகலாம் என எதிர்பார்க்கப்படுதகிறது.