அட்டகாச அம்சங்களுடன் பட்ஜெட் விலையில் ஒப்போ ஸ்மார்ட்போன் அறிமுகம்

பீஜிங்:

ஒப்போ நிறுவனத்தின் A83 ஸ்மார்ட்போன் சீனாவில் நடைபெற்ற விழாவில் அறிமுகம் செய்யப்பட்டுள்ளது. சமீபத்தில் சான்றளிக்கும் வலைத்தளத்தில் கசிந்த A சீரிஸ் ஸ்மார்ட்போன் முதற்கட்டமாக சீனாவில் அறிமுகம் செய்யப்பட்டுள்ளது.

புதிய ஒப்போ A83 ஸ்மார்ட்போனில் 5.7 இன்ச் 2.5D வளைந்த கிளாஸ் டிஸ்ப்ளே, 4 ஜிபி ரேம், 13 எம்பி பிரைமரி கேமரா, எல்இடி பிளாஷ் மற்றும் 8 எம்பி செல்ஃபி கேமரா வழங்கப்பட்டுள்ளது. இத்துடன் செயற்கை நுண்ணறிவு தொழில்நுட்பம் மூலம் செல்ஃபிக்களை அழகாக்கும் வசதி வழங்கப்பட்டுள்ளது.

மேலும் ஸ்மார்ட்போன் திரையில் முகத்தை காண்பித்து அன்லாக் செய்யும் முக அங்கீகார வசதியும் வழங்கப்பட்டுள்ளது. ஒப்போ முக அங்கீகார வசதி ஸ்மார்ட்போனினை 0.18 நொடிகளில் அன்லாக் செய்யும் என தெரிவிக்கப்பட்டுள்ளது.


ஒப்போ A83 சிறப்பம்சங்கள்:

- 5.7 இன்ச் 1440x720 பிக்சல் 18:9 எச்டி+ ஃபுல் ஸ்கிரீன் 2.5D வளைந்த கிளாஸ் டிஸ்ப்ளே
- 2.5 ஜிகாஹெர்ட்ஸ் ஆக்டாகோர் பிராசஸர்
- 4 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 7.1 நௌக்கட் மற்றும் கலர்ஓ.எஸ். 3.2
- 13 எம்பி பிரைமரி கேமரா, எல்இடி பிளாஷ்
- 8 எம்பி செல்ஃபி கேமரா
- 4ஜி வோல்ட்இ, வைபை, ப்ளூடூத்
- 3180 எம்ஏஎச் பேட்டரி

ஒப்போ A83 ஸ்மார்ட்போன் ஷேம்பெயின் கோல்டு மற்றும் பிளாக் நிறங்களில் கிடைப்பதோடு சீனாவில் 1399 யுவான் அதாவது இந்திய மதிப்பில் ரூ.13,630 என நிர்ணயம் செய்யப்பட்டுள்ளது. சீனாவில் டிசம்பர் 29-ம் தேதி முதல் ஒப்போ A83 ஸ்மார்ட்போனின் விற்பனை துவங்குகிறது.