லைவ் அப்டேட்ஸ்: திராவிடமும், தமிழ் தேசியமும் இரண்டு கண்கள் - த.வெ.க. தலைவர் விஜய்

தமிழக வெற்றிக் கழக மாநாட்டில் பங்கேற்பவர்களுக்கு டிஜிட்டல் சான்றிதழ் அளிக்க ஏற்பாடு செய்யப்பட்டுள்ளது . பல்வேறு இடங்களில் வைக்கப்பட்டுள்ள கியூஆர் கோட் மூலம் ஸ்கேன் செய்து சான்றிதழைப் பெறலாம் என தெரிவிக்கப்பட்டுள்ளது.

த.வெ.க மாநாட்டு திடலில் 90 சதவீத இருக்கைகள் நிரம்பியுளளன. தொண்டர்கள் குவிந்ததை அடுத்து மாநாட்டு நிகழ்ச்சியை முன்கூட்டியே தொடங்க முடிவெடுக்கப்பட்டுள்ளதாக தகவல் வெளியாகியுள்ளது.

விஜய்யின் தமிழக வெற்றிக் கழகத்தின் முதல் மாநாட்டிற்கு நடிகர் சிவகார்த்திகேயன் வாழ்த்து தெரிவித்துள்ளார். "இன்று தனது புதிய பயணத்தை தொடங்கவிருக்கும் விஜய் சாருக்கு தனது மனமார்ந்த வாழ்த்துகள்" என குறிப்பிட்டுள்ளார்.

த.வெ.க மாநாடு தொடங்குவதற்கு முன் தொண்டர்களை ஒழுங்குபடுத்துவது குறித்து மாவட்ட தலைவர்கள், பொறுப்பாளர்களுடன் த.வெ.க பொதுச் செயலாளர் ஆனந்த் ஆலோசனை நடத்தி வருகிறார்.

த.வெ.க மாநாட்டில் காவலர்கள் உள்பட 60க்கும் மேற்பட்டோர் மயக்கம் அடைந்துள்ளனர். கடும் வெயிலால் மயக்கம், தலை சுற்றல் போன்றவற்றால் தொண்டர்கள் பாதிக்கப்பட்டுள்ளனர். மயக்கமடைந்தவர்களை ஆம்புலன்ஸ் மூலம் மருத்துவமனைக்கு அழைத்து செல்கின்றனர்.

திருச்சியில் இருந்து த.வெ.க. மாநாட்டிற்கு வந்த தொண்டர்களின் கார் உளுந்தூர்பேட்டை பகுதியில் கட்டுப்பாட்டை இழந்து விபத்துக்குள்ளானது. இதில், திருச்சியை சேர்ந்த 35 வயதான கலை என்பவர் உள்பட இரண்டு பேர் உயிரிழந்துள்ளனர். மேலும், 3 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர்.

விஜய்யின் தமிழக வெற்றிக் கழகத்தின் முதல் மாநாட்டிற்கு இயக்குநர் சீனு ராமசாமி வாழ்த்து தெரிவித்துள்ளார். 

"ஜனநாயக நாட்டில் யார் வேண்டுமானாலும் கட்சி ஆரம்பிக்கலாம். த.வெ.க. தலைவர் விஜய்க்கு, எனது தந்தை ஆசியும் எனது ஆதரவும் உண்டு" என்று கூறி த.வெ.க தலைவர் விஜய்க்கு, நடிகர் பிரபு வாழ்த்து தெரிவித்துள்ளார்.

த.வெ.க மாநாட்டில், தனிமனித உரிமையின் முக்கியத்துவம், தாழ்த்தப்பட்ட ஒடுக்கப்பட்டவர்களின் உரிமை, அவர்களின் மேம்பாடு ஆகிய கருத்துகள் இடம்பெறவும் வாய்ப்புள்ளதாக தகவல்.