தமிழ்நாடு செய்திகள்
தி.நகர் ரங்கநாதன் தெருவில் பிரபல துணிக்கடையில் பயங்கர தீ விபத்து
- 2 மாடிகள் கொண்ட துணிக்கடையில் தீ விபத்து நிகழ்ந்ததால் ரங்கநாதன் தெரு பரபரப்பாக காணப்பட்டது.
- விரைந்து வந்த தீயணைப்பு வாகனங்கள் தீயை அணைக்கும் பணியில் ஈடுபட்டுள்ளன.
சென்னை தியாகராய நகர் ரங்கநாதன் தெருவில் அமைந்துள்ள பிரபல துணிக்கடையில் திடீரென தீ விபத்து ஏற்பட்டுள்ளது. 2 மாடிகள் கொண்ட துணிக்கடையில் தீ விபத்து நிகழ்ந்ததால் ரங்கநாதன் தெரு பரபரப்பாக காணப்பட்டது.
துணிக்கடையில் ஏற்பட்ட தீ பரவி மளமளவென எரிந்ததால் அப்பகுதி முழுவதும் புகையாக காணப்பட்டது.
தீ விபத்து குறித்து தகவல் அறிந்ததும் தேனாம்பேட்டை, சைதாப்பேட்டை, தியாகராக நகர் பகுதிகளில் இருந்து விரைந்து வந்த தீயணைப்பு வாகனங்கள் தீயை அணைக்கும் பணியில் ஈடுபட்டுள்ளன.
மின் கசிவு காரணமாக தீ விபத்து ஏற்பட்டதாக முதற்கட்ட தகவல் வெளியாகி உள்ளது.