மேட்டூர் அணை நீர்மட்டம் 90.45 அடியாக குறைந்தது

சேலம்:

காவிரி நீர்பிடிப்பு பகுதிகளில் மழையில்லாததால் ஒகேனக்கல் மற்றும் மேட்டூர் அணைக்கான நீர்வரத்து வெகுவாக குறைந்துள்ளது.

ஒகேனக்கல் காவிரியில் 800 கன அடியாக நீர்வரத்து வருகிறது. அதே சமயம் மேட்டூர் அணைக்கு நேற்று 121 கனஅடியாக இருந்த நீர்வரத்து, இன்று காலை 145 கனஅடியாக அதிகரித்துள்ளது. அணையில் இருந்து டெல்டா பாசனத்திற்காக விநாடிக்கு 13 ஆயிரம் கனஅடி தண்ணீர் திறந்து விடப்படுகிறது.

வரத்தை விட நீர்திறப்பு அதிகமாக உள்ளதால், அணையின் நீர்மட்டம் வேகமாக சரிந்து வருகிறது. நேற்று 91.43 அடியாக இருந்த நீர்மட்டம், இன்று காலை 90.45 அடியாக குறைந்துள்ளது.