சத்தியமங்கலம் நகராட்சியில் பா.ஜனதா, பா.ம.க. தலா 2 இடங்களில் வெற்றி

ஈரோடு:

ஈரோடு மாவட்டம் சத்தியமங்கலம் நகராட்சியில் மொத்தம் 27 வார்டுகள் உள்ளன. இதில் பா.ஜனதா சார்பில் 8-வது வார்டில் போட்டியிட்ட உமா என்பவர் 256 வாக்குகள் பெற்று காங்கிரஸ் வேட்பாளரை தோற்கடித்து வெற்றி பெற்றார். 

இதேபோல் 23-வது வார்டில் போட்டியிட்ட பா.ஜனதா வேட்பாளர் அரவிந்சாகர் 469 வாக்குகள் பெற்று வெற்றி பெற்றார். 13-வது வார்டில் பா.ம.க. வேட்பாளர் புவனேஸ்வரி 448 வாக்குகள் பெற்று வெற்றி பெற்றார். 

14-வதுவார்டில் பா.ம.க. வேட்பாளர் திருநாவுக்கரசு 297 வாக்குகள் பெற்று வெற்றி பெற்றார். ஈரோடு மாவட்டத்தில் உள்ள 4 நகராட்சிகளில் சத்தியமங்கலம் நகராட்சியில் மட்டுமே பா.ஜனதா, பா.ம.க. தலா 2 இடங்களில் வெற்றி பெற்றுள்ளது குறிப்பிடத்தக்கது.