ஆஸ்திரேலிய ஓபன்: ஸ்வியாடெக், பெகுலா 3வது சுற்றில் வெற்றி

மெல்போர்ன்:

நடப்பு ஆண்டின் முதல் கிராண்ட்ஸ்லாம் தொடரான ஆஸ்திரேலிய ஓபன் தொடர் மெல்போர்னில் நடந்து வருகிறது. இந்தத் தொடர் பிப்ரவரி 1-ம் தேதி வரை நடக்கிறது.

பெண்கள் ஒற்றையர் பிரிவின் 3வது சுற்றில் அமெரிக்காவின் ஜெசிகா பெகுலா, ரஷியாவின் செலக்மெடேவா உடன் மோதினார்.

இதில் சிறப்பாக ஆடிய பெகுலா 6-3, 6-2 என்ற செட் கணக்கில் வென்று 4வது சுற்றுக்கு முன்னேறினார்.

மற்றொரு போட்டியில் போலந்தின் இகா ஸ்வியாடெக் 6-1, 1-6, 6-1 என்ற செட் கணக்கில் ரஷியாவின் அன்னா கலின்ஸ்கயாவை வீழ்த்தி நான்காவது சுற்றுக்கு முன்னேறினார்.