ஆஸ்திரேலிய ஓபன் டென்னிஸ் - மெத்வதேவ், சின்னர் 4வது சுற்றுக்கு முன்னேற்றம்

மெல்போர்ன்:

கிராண்ட்ஸ்லாம் அந்தஸ்து பெற்ற ஆஸ்திரேலிய ஓபன் டென்னிஸ் தொடர் மெல்போர்ன் நகரில் நடைபெற்று வருகிறது.

இதில் ஆண்கள் ஒற்றையர் பிரிவு 3-வது சுற்று ஆட்டங்கள் இன்று நடைபெற்றது. இதில் ரஷ்ய வீரர் டேனில் மெத்வதேவ் நெதர்லாந்தின் வான் டே சான்ட்சல்புடன் மோதினார். இதில் மெத்வதேவ் 6-4, 6-4, 6-2 என்ற செட் கணக்கில் வெற்றி பெற்றார். 

 

இதேபோல், மற்றொரு போட்டியில் இத்தாலி வீரர் ஜானி சின்னர் ஜப்பானின் டாரோ டேனியலுடன் மோதினார். இதில் சின்னர் 6-4, 1-6, 6-3, 6-1 என்ற செட் கணக்கில் வென்றார்.