டி20 கிரிக்கெட்டில் அதிக விக்கெட்: பும்ரா சாதனையை சமன் செய்த சாஹல்

ஆஸ்திரேலியா - இந்தியா இடையில் மூன்று போட்டிகள் கொண்ட டி20 கிரிக்கெட் தொடர் நடைபெற்று வருகிறது. கான்பெர்ராவில் நடைபெற்ற முதல் போட்டியில் இந்தியா 11 ரன்னில் வெற்றி பெற்றது. இந்த போட்டியில் ஆடும் லெவன் அணியில் சாஹல் இடம் பெறவில்லை. ஆனால் ஜடேஜா கன்கசன் மூலம் வெளியேற சாஹல் அணியில் இடம் பிடித்தார். அவர் 25 ரன்கள் விட்டுக்கொடுத்து 3 விக்கெட் வீழ்த்தி இந்திய அணியின் வெற்றிக்கு முக்கிய பங்கு வகித்தார்.

இன்றைய போட்டியில் 51 ரன்கள் விட்டுக்கொடுத்து 1 விக்கெட் வீழ்த்தினார். இதனால் சர்வதேச டி20 கிரிக்கெட்டில் மொத்தம் 59 விக்கெட் வீழ்த்தியுள்ளார். இதற்கு முன் பும்ரா 59 விக்கெட் வீழ்த்தி முதல் இடத்தில் உள்ளார். தற்போது டி20-யில் அதிக விக்கெட் வீழ்த்திய இந்திய வீரர் சாதனையில் பும்ரா உடன் இணைந்துள்ளார் சாஹல்.