பாகிஸ்தான் சூப்பர் லீக்கில் மும்பை அணியின் கையுறையுடன் விளையாடிய வீரர்

ஐபிஎல் கிரிக்கெட் தொடர் சுமார் இரண்டு மாதங்களாக ஐக்கிய அரபு அமீரகத்தில் நடைபெற்றது. கடந்த 10-ந்தேதி இறுதிப் போட்டி நடைபெற்றது. டெல்லி கேப்பிட்டல்ஸ் அணியை வீழ்த்தி மும்பை இந்தியன்ஸ் அணி சாம்பியன் பட்டம் வென்றது.

மும்பை இந்தியன்ஸ் அணியில் வெஸ்ட் இண்டீஸ் பேட்ஸ்மேன் ஷெர்ஃபேன் ரூதர்போர்டு இடம் பிடித்திருந்தார். ஆடும் லெவன் அணியில் இடம்பெறவில்லை என்றாலும் அணியுடன்தான் பயணம் செய்தார்.

பாகிஸ்தான் சூப்பர் லீக்கில் பிளேஆஃப்ஸ் ஆட்டங்கள் நேற்றுமுன்தினம் தொடங்கி நடைபெற்று வருகிறது. மும்பை அணியில் இடம் பிடித்திருந்த ரூதர்போர்டு பாகிஸ்தான் சூப்பர் லீக்கில் கராச்சி கிங்ஸ் அணியில் இடம் பிடித்துள்ளர்.

இதனால் அவர் ஐபிஎல் தொடர் முடிந்த நிலையில் பாகிஸ்தான் சென்றார். அவர் பாகிஸ்தானுக்குச் செல்லும்போது மும்பை இந்தியன்ஸ் அணியின் கிட்டை அணிந்து சென்றார். அதோடு மட்டுமல்லாமல் மும்பை இந்தியன்ஸ் அணியின் கையுறையை அணிந்து பேட்டிங் செய்தார்.