22 வயது இளைஞருடன் தாயாருக்கு காதல்: மவுனம் கலைத்த நெய்மர்

கால்பந்து விளையாட்டில் பிரேசில் நாட்டின் தலைசிறந்த வீரராக திகழ்பவர் நெய்மர். இவரின் தந்தை வாக்னர் ரிபெய்ரே. நெய்மருக்கு ஏஜென்டாகவும் உள்ளார். தாயார் நடின் கான்கேல்வ்ஸ். 52 வயதாகும் நடின் கான்கேல்வ்ஸ் கடந்த 2016-ம் ஆண்டு வாக்னருடன் உள்ள உறவை முறித்துக் கொண்டார்.

இந்நிலையில் நெய்மரின் தாயார் நடினுக்கும் 22 வயதான இளைஞர் டியாகோ ரமோஸ் என்பவருக்கும் இடையே நட்பு ஏற்பட்டுள்ளது. இந்த நட்பு காதலாக மாறியதாக தெரிகிறது. இருவரும் அரவணைத்து நிற்பது போன்ற படத்தை நெய்மரின் தாயார் நடின் தனது இன்ஸ்டாகிராம் பக்கத்தில் பதிவிட்டிருந்தார்.

இது மிகப்பெரிய பரபரப்பை ஏற்படுத்தியுள்ளது. இதுகுறித்து நெய்மர் ஏதும் கூறாமல் இருந்தால் இந்நிலையில் அந்த படத்திற்கு‘‘மகிழ்ச்சியாக இருங்கள் அம்மா. நான் உங்களை விரும்புகிறேன்’’என்று கருத்து தெரிவித்துள்ளார்.

டியாகோ ரமோஸ் நெய்மரின் தீவிர ரசிகர். ஏற்கனவே டியாகோ நெய்மரை சந்தித்துள்ளார்.