செய்திகள்
இந்திய பெண்கள் கிரிக்கெட் அணி

வெஸ்ட் இண்டீசை துவம்சம் செய்தது இந்திய பெண்கள் அணி- 4வது டி20 போட்டியிலும் வெற்றி

Published On 2019-11-18 07:34 GMT   |   Update On 2019-11-18 07:34 GMT
வெஸ்ட் இண்டீஸ் பெண்கள் அணிக்கு எதிரான 4வது டி20 போட்டியில் இந்திய பெண்கள் அணி 5 ரன்கள் வித்தியாசத்தில் வெற்றி பெற்றது.
கயானா:

இந்திய பெண்கள் கிரிக்கெட் அணி வெஸ்ட் இண்டீசில் சுற்றுப்பயணம் மேற்கொண்டு விளையாடி வருகிறது. இதில் 5 டி20 போட்டிகள் கொண்ட தொடரில் முதல் மூன்று போட்டிகளிலும் வெற்றி பெற்று 3-0 என்ற கணக்கில் இந்திய அணி ஏற்கனவே தொடரை கைப்பற்றியது.

இதையடுத்து 4வது டி20 போட்டி கயானாவில் உள்ள புரொவிடன்ஸ் மைதானத்தில் நடைபெற்றது. மழை காரணமாக இந்த போட்டி 9 ஓவர்களாக குறைக்கப்பட்டது. முதலில் பேட் செய்த இந்திய அணி 7 விக்கெட் இழப்பிற்கு 50 ரன்கள் எடுத்தது. இதையடுத்து பேட் செய்த வெஸ்ட் இண்டீஸ் அணி 9 ஓவர்களில் 5 விக்கெட் இழப்பிற்கு 45 ரன்களே எடுத்தது. இதனால் 5 ரன்கள் வித்தியாசத்தில் இந்திய அணி வெற்றி பெற்றது. 

ஏற்கனவே 3 போட்டிகளில் வெற்றி பெற்ற நிலையில் தற்போது 4வது போட்டியிலும் வெற்றி பெற்று இந்திய பெண்கள் அணி ஆதிக்கம் செலுத்தி உள்ளது. 5வது டி20 போட்டி வரும் வரும் 21ம் தேதி நடைபெற உள்ளது.

இதற்கு முன்னதாக நடைபெற்ற 3 ஒருநாள் போட்டிகள் கொண்ட தொடரை இந்திய பெண்கள் அணி 2-1 என்ற கணக்கில் கைப்பற்றியது குறிப்பிடத்தக்கது.
Tags:    

Similar News