செய்திகள்
புரோ கபடி லீக் - புனேவை 36 - 23 என்ற புள்ளிக்கணக்கில் வீழ்த்தியது ஜெய்ப்பூர்
புரோ கபடி லீக் போட்டியில் அரியானாவில் இன்று நடைபெற்ற ஆட்டத்தில் புனேரி பால்டன் அணியை 36 - 23 என்ற புள்ளிக்கணக்கில் வீழ்த்தியது ஜெய்ப்பூர் பிங்க் பாந்தர்ஸ் அணி. #ProKabaddi #JaipurPinkPanthers #PuneriPaltan
சண்டிகர்:
12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவின் பல மாநிலங்களில் நடைபெற்று வருகிறது.
அரியானா மாநிலம் பஞ்சகுலா நகரில் இன்று நடைபெற்ற ஆட்டத்தில் புனேரி பால்டன் அணியும், ஜெய்ப்பூர் பிங்க் பாந்தர்ஸ் அணியும் மோதின.
ஆட்டத்தின் தொடக்கத்தில் இருந்தே ஜெய்ப்பூர் அணி வீரர்கள் அபாரமாக ஆடினர். இதனால் ஆட்டத்தின் முதல் பாதியில் ஜெய்ப்பூர் அணி 21 - 9 என முன்னிலை வகித்தது.
ஆட்டத்தின் இரண்டாவது பாதியிலும் ஜெய்ப்பூர் அணியினர் சிறப்பாக விளையாடினர். புனே அணி வீரர்களால் அவர்களுக்கு ஈடுகொடுத்து விளையாட முடியவில்லை.
இறுதியில், ஜெய்ப்பூர் அணி 36 - 23 என்ற கணக்கில் புனே அணியை வீழ்த்தி வெற்றி பெற்றது. இது அந்த அணிக்கு கிடைத்த 5வது வெற்றி ஆகும். #ProKabaddi #JaipurPinkPanthers #PuneriPaltan