புரோ கபடி லீக் - உபி யோதாவை வீழ்த்தி மூன்றாவது வெற்றியை பதிவுசெய்தது தமிழ் தலைவாஸ்

லக்னோ:

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் உபி மாநிலத்தில் நடந்த லீக் ஆட்டத்தில் உபி யோதா அணியும், தமிழ் தலைவாஸ் அணியும் மோதின.

தமிழ் தலைவாஸ் அணி 8 ஆட்டத்தில் 6 தோல்வி கண்டிருந்ததது. எனவே, இந்த ஆட்டத்தில் தொடக்கத்தில் இருந்தே தமிழ் தலைவாஸ் அணி சிறப்பாக விளையாடியது. இதனால் முதல் பாதியில் தமிழ் தலைவாஸ் அணி 26 -11 என முன்னிலை பெற்றது.

இதேபோல், ஆட்டத்தின் இரண்டாவது பாதியிலும் தமிழ் தலைவாஸ் அபாரமாக ஆடியது. அவர்களின் ஆட்டத்துக்கு உபி யோதாவால் ஈடுகொடுக்க முடியவில்லை.

இறுதியில், உபி யோதாவை 46 - 24 என்ற புள்ளிக்கணக்கில் வீழ்த்தி தமிழ் தலைவாஸ் அணியை வீழ்த்தி அபார வெற்றி பெற்றது. இது தமிழ் தலைவாஸ் அணி பெற்ற மூன்றாவது வெற்றி ஆகும். #ProKabaddi