செய்திகள்
புரோ கபடி லீக் - பாட்னா பைரேட்சை வீழ்த்தியது தெலுங்கு டைட்டன்ஸ்
புரோ கபடி லீக் போட்டியில் நேற்று நடந்த ஆட்டத்தில் பாட்னா பைரேட்ஸ் அணியை தெலுங்கு டைடன்ஸ் அணி வீழ்த்தியது. #ProKabaddi
சோனிபட்:
12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் அரியானா மாநிலம் சோனிபட்டில் நடந்த லீக் ஆட்டத்தில் பாட்னா பைரேட்ஸ் அணியும், தெலுங்கு டைட்டன்ஸ் அணியும் மோதின.
ஆட்டத்தின் தொடக்கத்தில் இருந்தே இரு அணி வீரர்களும் விட்டுக் கொடுக்காமல் விளையாடினர். இதனால் இரு அணிகளின் புள்ளிகள் சமனிலையில் இருந்து வந்தது.
ஆட்டத்தின் இறுதியில் தெலுங்கு டைட்டன்ஸ் அணி சிறப்பாக செயல்பட்டது. இதையடுத்து, தெலுங்கு டைட்டன்ஸ் அணி 35 - 31 என்ற புள்ளிக்கணக்கில் பாட்னா பைரேட்ஸ் அணியை வீழ்த்தி வெற்றி பெற்றது. தெலுங்கு டைட்டன்ஸ் அணிக்கு இது 3-வது வெற்றியாகும். #ProKabaddi