நீங்கள் தேடியது "Telugu Titans"

விசாகப்பட்டினம்:

புரோ கபடி லீக் போட்டியில் இன்று இரவு 8 மணிக்கு நடைபெறும் 110-வது லீக் ஆட்டத்தில் ‘பி’ பிரிவில் உள்ள நடப்பு சாம்பியன் பாட்னா பைரேட்ஸ்- தெலுங்கு டைட்டன்ஸ் அணிகள் மோதுகின்றன.

பாட்னா 10-வது வெற்றியும், தெலுங்கு டைட்டன்ஸ் 2-வது வெற்றியும் பெறும் ஆர்வத்தில் உள்ளன.

பாட்னா அணி இந்த சீசனில் தெலுங்கு டைட்டன்சிடம் 2 முறை தோற்று இருந்தது. அதற்கு இன்றைய ஆட்டத்தில் பதிலடி கொடுக்குமா? என்று எதிர்பார்க்கப்படுகிறது. அதே நேரத்தில் தெலுங்கு அணி நம்பிக்கையுடன் விளையாடும். #ProKabaddi2018 #TeluguTitans #PatnaPirates

விசாகப்பட்டினம்:

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவின் பல மாநிலங்களில் நடைபெற்று வருகிறது.

ஆந்திர மாநிலம் விசாகப்பட்டினத்தில் இன்று நடைபெற்ற லீக் ஆட்டத்தில் தெலுங்கு டைட்டன்ஸ் அணியும், குஜராத் பார்சுன் ஜெயண்ட்ஸ் அணியும் மோதின.

ஆட்டத்தின் தொடக்கத்தில் இருந்து இரு அணி வீரர்களும் சிறப்பாக ஆடினர். ஆனாலும், முதல் பாதியின் முடிவில் 17 -12 என்ற புள்ளிக்கணக்கில் குஜராத் அணி முன்னிலை வகித்தது. ஆட்டத்தின் இரண்டாவது பாதியிலும் இரு அணி வீரர்களும் போராடினர்.

இறுதியில், தெலுங்கு டைட்டன்ஸ் அணியை 29 -27 என்ற கணக்கில் குஜராத் அணி வீழ்த்தி வெற்றி பெற்றது. இந்த வெற்றியின் மூலம் ஏ பிரிவில் குஜராத் அணி புள்ளிப்பட்டியலில் முதலிடம் பிடித்துள்ளது. #ProKabaddi #GujaratFortuneGiants #TeluguTitans  

புனே:

6-வது புரோ கபடி லீக் தொடரில் புனேயில் நேற்று இரவு நடந்த 83-வது லீக் ஆட்டத்தில் தமிழ் தலைவாஸ்-தெலுங்கு டைட்டன்ஸ் அணிகள் மோதின. முதல் பாதியில் 18-11 என்ற புள்ளி கணக்கில் முன்னிலை வகித்த தமிழ் தலைவாஸ் அணி முடிவில் 31-25 என்ற புள்ளி கணக்கில் வெற்றி பெற்றது.



தமிழ் தலைவாஸ் அணியில் டேக்கிள் மூலம் மஞ்சித் ஷில்லார் 7 புள்ளியும், ரைடு மூலம் அஜய் தாகூர் 7 புள்ளியும் சேர்த்து அணியின் வெற்றியில் முக்கிய பங்கு வகித்தனர். 15-வது ஆட்டத்தில் ஆடிய தமிழ் தலைவாஸ் அணி பெற்ற 5-வது வெற்றி இதுவாகும்.

மற்றொரு லீக் ஆட்டத்தில் பெங்களூரு புல்ஸ் அணி 37-27 என்ற புள்ளி கணக்கில் உ.பி.யோத்தா அணியை தோற்கடித்தது. 14-வது ஆட்டத்தில் ஆடிய பெங்களூரு அணி பெற்ற 9-வது வெற்றி இதுவாகும். இன்று ஓய்வு நாளாகும். நாளை நடைபெறும் லீக் ஆட்டங்களில் ஹரியானா ஸ்டீலர்ஸ்-புனேரி பால்டன் (இரவு 8 மணி), பெங்களூரு புல்ஸ்-தெலுங்கு டைட்டன்ஸ் (இரவு 9 மணி) அணிகள் மோதுகின்றன. #Prokabbadi #TamilThalaivas #TeluguTitans

ஆமதாபாத்:

12 அணிகள் இடையிலான 6-வது புரோ கபடி லீக் தொடர் பல்வேறு நகரங்களில் நடந்து வருகிறது. இதில் ஆமதாபாத்தில் நேற்றிரவு நடந்த 72-வது லீக் ஆட்டத்தில் (பி பிரிவு) தமிழ் தலைவாஸ் அணி 27-23 என்ற புள்ளி கணக்கில் தெலுங்கு டைட்டன்ஸ் அணியை வீழ்த்தியது.

தமிழ் தலைவாஸ் அணியில் அதிகபட்சமாக கேப்டன் அஜய் தாக்கூர் 8 புள்ளிகளும், சுகேஷ் ஹெட்ஜ் 5 புள்ளிகளும் எடுத்து வெற்றிக்கு பக்கபலமாக இருந்தனர். இதன் மூலம் ஏற்கனவே தெலுங்கு அணியிடம் 28-33 என்ற புள்ளி கணக்கில் அடைந்த தோல்விக்கு தலைவாஸ் அணி பழிதீர்த்துக் கொண்டது. 12-வது லீக்கில் ஆடிய தமிழ் தலைவாஸ் அணிக்கு இது 4-வது வெற்றியாகும். மற்றொரு ஆட்டத்தில் தபாங் டெல்லி 29-26 என்ற புள்ளி கணக்கில் குஜராத் அணியை சாய்த்தது.

இன்றைய ஆட்டங்களில் பாட்னா பைரட்ஸ்-தமிழ் தலைவாஸ் (இரவு 8 மணி), குஜராத் பார்ச்சுன் ஜெயன்ட்ஸ்- யு மும்பா (இரவு 9 மணி) அணிகள் மோதுகின்றன. #ProKabaddi2018 #TamilThalaivas #TeluguTitans 

பாட்னா:

12 அணிகள் இடையிலான 6-வது புரோ கபடி லீக் தொடர் பல்வேறு நகரங்களில் நடந்து வருகிறது. இதில் பாட்னாவில் நேற்றிரவு நடந்த 39-வது லீக் ஆட்டத்தில் புனேரி பால்டன் அணி, குஜராத் பார்ச்சுன் ஜெயன்ட்சுடன் (ஏ பிரிவு) மோதியது. இதில் அபார ஆட்டத்தை வெளிப்படுத்தி முதல் பாதியில் 16-12 என்ற கணக்கில் முன்னிலை பெற்ற குஜராத் அணி அந்த முன்னிலையை கடைசி வரை தக்க வைத்துக் கொண்டு 37-27 என்ற புள்ளி கணக்கில் புனேயை வீழ்த்தி 3-வது வெற்றியை பதிவு செய்தது. 6 புள்ளிகளை எடுத்த புனே அணியின் நட்சத்திர வீரர் நிதின் தோமர், இந்த சீசனில் 100 ரைடு புள்ளிகளை (மொத்தம் 102 புள்ளி) கடந்த முதல் வீரர் என்ற பெருமையையும் பெற்றார். 11-வது லீக்கில் ஆடிய புனே அணிக்கு இது 5-வது தோல்வியாகும்.

மற்றொரு ஆட்டத்தில் தெலுங்கு டைட்டன்ஸ் அணி 53-32 என்ற புள்ளி கணக்கில் நடப்பு சாம்பியன் பாட்னா பைரட்சை தோற்கடித்து 4-வது வெற்றியை சுவைத்தது. தெலுங்கு டைட்டன்ஸ் அணியில், ரைடு செல்வதில் கில்லாடியான ராகுல் சவுத்ரி 17 புள்ளிகள் எடுத்து அசத்தினார்.

இன்றைய லீக் ஆட்டங்களில் தபாங் டெல்லி-புனேரி பால்டன் (இரவு 8 மணி), பாட்னா பைரட்ஸ்- பெங்களூரு புல்ஸ் (இரவு 9 மணி) அணிகள் மோதுகின்றன.