உலக லெவன் அணியில் நேபாள இளம் வீரர் சந்தீப் லாமிச்சான்

இங்கிலாந்து லார்ட்ஸ் மைதானத்தில் வெஸ்ட் இண்டீஸை எதிர்த்து உலக லெவன் அணி டி20 கிரிக்கெட்டில் விளையாடுகிறது. இந்த ஆட்டம் வரும் 31-ந்தேதி நடக்கிறது. இதற்கான 11 பேர் கொண்ட உலக லெவன் அணி ஏற்கனவே அறிவிக்கப்பட்டிருந்தது. இந்நிலையில் நேபாளத்தின் இளம் வீரரான சந்தீப் லாமிச்சான் உலக லெவன் அணியில் இடம்பிடித்துள்ளார்.



வங்காள தேச அணியின் ஆல்ரவுண்டர் ஷாகிப் அல் ஹசன் சொந்த விஷயத்திற்காக அணியில் இருந்து விலகியுள்ளார்.

கடந்த வரும் வெஸ்ட் இண்டீஸை இரண்டு புயல்கள் தாக்கின. இதில் கிரிக்கெட் மைதானங்கள் சேதமடைந்தன. இதற்கு நிதி திரட்டவே இந்த டி20 போட்டி நடத்தப்படுகிறது.