ஆண்கள் ஆக்கி: ஒலிம்பிக் சாம்பியன் ஜெர்மனி தோல்வி

ரியோ ஒலிம்பிக்கில் ஆண்களுக்கான ஆக்கியில் நேற்று நடந்த அரைஇறுதியில் அர்ஜென்டினாவும், நடப்பு சாம்பியன் ஜெர்மனியும் மோதின. பரபரப்பான இந்த ஆட்டத்தில் அர்ஜென்டினா 5-2 என்ற கோல் கணக்கில் ஜெர்மனியை துவம்சம் செய்து, முதல்முறையாக இறுதிப்போட்டிக்குள் அடியெடுத்து வைத்தது. அர்ஜென்டினா அணியில் கோன்சலோ பெய்லட் ‘ஹாட்ரிக்’ கோல் அடித்தார்.

பெண்களுக்கான ஆக்கியில் நேற்று முன்தினம் கால்இறுதி ஆட்டங்கள் நடந்தன. இதில் நியூசிலாந்து 4-2 என்ற கோல் கணக்கில் ஆஸ்திரேலியாவையும், ஜெர்மனி 2-1 என்ற கோல் கணக்கில் அமெரிக்காவையும், இங்கிலாந்து 3-1 என்ற கோல் கணக்கில் ஸ்பெயினையும், நடப்பு சாம்பியன் நெதர்லாந்து 3-2 என்ற கோல் கணக்கில் அர்ஜென்டினாவையும் வீழ்த்தி அரைஇறுதிக்கு தகுதி பெற்றன.