பீகார் சட்டசபை தேர்தல் முடிவுகள்: பெரும்பான்மைக்குத் தேவையான இடங்களில் NDA கூட்டணி முன்னிலை... லைவ் அப்டேட்ஸ்
பீகார் சட்டசபை தேர்தல் முடிவுகள்: பா.ஜ.க.வுக்கு ஆதரவாக தேர்தல் ஆணையம் செயல்படுகிறது. SIR மூலம் எதிர்க்கட்சிக்கு வாக்களிக்கும் 65 லட்சம் பேரை நீக்கியபின் என்ன முடிவை எதிர்பார்க்க முடியும்? ஆட்டம் தொடங்குவதற்கு முன்பே வெற்றியாளரை அறிவித்துவிட்டால் ஜனநாயகம் எப்படி பிழைக்கும்?- காங்கிரஸ் செய்தி தொடர்பாளர் பவன் கேரா குற்றச்சாட்டு
பீகார் சட்டசபை தேர்தல் முடிவுகள்: தேசிய ஜனநாயக கூட்டணி வேட்பாளர்கள் 190 இடங்களில் முன்னிலை. மகாகத்பந்தன் கூட்டணி வேட்பாளர்கள் 49 இடங்களில் முன்னிலை.
பீகார் சட்டசபை தேர்தல் முடிவுகள்: ரகோபூர் தொகுதியில் போட்டியிட்ட ஆர்.ஜெ.டி. கட்சித் தலைவர் தேஜஸ்வி யாதவ் பின்னடைவு. 3-வது சுற்று வாக்கு எண்ணிக்கையில் பா.ஜ.க. வேட்பாளர் சதீஷ்குமார் 1,273 வாக்குகளில் முன்னிலை
பீகார் சட்டசபை தேர்தல் முடிவுகள்: குடும்பா தொகுதியில் காங்கிரஸ் தலைவர் ராஜேஸ்குமார் பின்னடைவு
பீகார் சட்டசபை தேர்தல்: பிரசாந்த் கிஷோரின் ஜன்சுராஜ் கட்சி ஒரு தொகுதியில் கூட முன்னிலை பெறவில்லை.
பீகாரில் தேசிய ஜனநாயக கூட்டணி வெற்றி உறுதியாகி உள்ள நிலையில், டெல்லியில் கொண்டாட்டங்கள் வேண்டாம் என பா.ஜ.க. வேண்டுகோள் விடுத்துள்ளது. டெல்லி கார் குண்டு வெடிப்பில் உயிரிழந்தவர்களுக்கு இரங்கல் தெரிவிக்கும் விதமாக பா.ஜ.க. தலைமை தெரிவித்துள்ளது.
பீகார் சட்டசபை தேர்தல் முடிவுகள்: தேர்தல் ஆணையத் தரவின்படி 127 இடங்களில் தேசிய ஜனநாயக கூட்டணி முன்னிலை. மகாகத்பந்தன் கூட்டணி 44 இடங்களில் முன்னிலை
பீகார் சட்டசபை தேர்தல் வாக்கு எண்ணிக்கையில் பா.ஜ.க. கூட்டணி வேட்பாளர்கள் 159 தொகுதிகளில் முன்னிலையில் உள்ளனர். காங்கிரஸ் கூட்டணி வேட்பாளர்கள் 80 தொகுதிகளில் முன்னிலையில் உள்ளனர்.
பீகார் சட்டசபை தேர்தல் முடிவுகள்: பெரும்பான்மைக்குத் தேவையான இடங்களில் NDA கூட்டணி முன்னிலை வகிக்கிறது. மொத்தமுள்ள 243 இடங்களில் பெரும்பான்மைக்கு 122 இடங்கள் தேவை என்ற நிலையில் NDA கூட்டணி 130-க்கும் மேற்பட்ட இடங்களில் முன்னிலை வகிக்கிறது.