சபரிமலையில் 144 தடை உத்தரவு மேலும் நீட்டிப்பு

சபரிமலை சுவாமி ஐயப்பன் கோவிலில் கடந்த மாதம் 16-ந்தேதி மண்டல பூஜைக்காக நடை திறக்கப்பட்டது. ஆனால், சபரிமலை கோவிலில் இளம்பெண்கள் சாமி தரிசனம் செய்ய எதிர்ப்பு தெரிவித்து ஐயப்ப பக்தர்கள், அரசியல் கட்சியினர், இந்து அமைப்புகள் போராட்டம் நடத்துவதால் நடை திறந்த முதல் நாளிலேயே சபரிமலையில் 144 தடை உத்தரவு போடப்பட்டது. அதன்பின்னர் அங்கு தொடர்ந்து பதட்டமான சூழ்நிலை நிலவி வருவதால் இந்த தடை உத்தரவு தொடர்ந்து நீட்டிக்கப்பட்டு வருகிறது.

144 தடை உத்தரவை வாபஸ் பெற வேண்டும், ஐயப்ப பக்தர்களிடம் போலீஸ் கெடுபிடியை கைவிட வேண்டும் என வலியுறுத்தி தொடர் போராட்டங்கள் நடைபெற்று வருகின்றன. சட்டசபையிலும் இந்த விவகாரம் எதிரொலித்தது. இதன் காரணமாக 144 தடை உத்தரவு வரும் 22ம் தேதி நள்ளிரவு வரை நீட்டிக்கப்பட்டுள்ளது.