பிரசாரத்தில் கவர்ச்சியை பயன்படுத்த மாட்டேன் - நடிகை ஊர்மிளா உறுதி

சென்னை:

ரங்கீலா, இந்தியன் போன்ற படங்களில் நடித்த முன்னணி இந்தி நடிகை ஊர்மிளா மடோகர் காங்கிரஸ் கட்சியில் இணைந்தார். ராகுல்காந்தியைச் சந்தித்த பிறகு இதை அறிவித்தார். இதுகுறித்து காங்கிரஸ் கட்சியின் டுவிட்டர் பக்கத்திலும் செய்தி வெளியிடப்பட்டுள்ளது.

காங்கிரஸ் கட்சியில் இணைந்தது பற்றி ஊர்மிளா பத்திரிகையாளர்களிடம் கூறியதாவது, ‘தற்போதுதான் அரசியலில் முதல் அடியை எடுத்துவைத்துள்ளேன். எங்கள் குடும்பத்தின் அரசியல் பார்வை, மகாத்மா காந்தி, ஜவகர்லால் நேரு மற்றும் சர்தார் வல்லபாய் படேலின் கொள்கைகளை சார்ந்ததாகும்.

கல்வித்துறை சார்ந்த குடும்பத்திலிருந்து வந்த நான் திரைப்பட நடிகையானேன். அதேபோல அரசியலுக்கும் வந்துள்ளேன். எனது சிறுவயதில் இருந்தே சமூக விழிப்புணர்வு குறித்த ஆர்வம் உண்டு.


இவ்வாறு ஊர்மிளா தெரிவித்தார்.

ஊர்மிளா மும்பை தேர்தல் களத்தில், காங்கிரஸ் கட்சி சார்பாக வேட்பாளராக இறக்கப்படுவார் என்று எதிர்பார்க்கப்படுகிறது. #ActressUrmila